ମାର୍ଗ ଦର୍ଶନ

ହେ ଅଖିଳ ଜନତା -

ଲୋଭ କର ନାହିଁ ଧନ - ରତ୍ନକୁ,

ଲୋଭ କର ସବା, ଭକ୍ତି, ଧର୍ମକୁ ।

ନ କର ହୋ କ୍ଷତି ସତ୍ୟ - ନ୍ଯାୟର,

କ୍ଷତି କର ଗର୍ବ, ପାପ, ମିଥ୍ୟାର ।

ଯଶ ରଖିଯାଅ ମହୀ ମଣ୍ଡଳେ,

ଜଳି ଯିବ ଦିନେ ଦେହ ଅନଳେ ।

ଗର୍ବ କର ନାହିଁ ନିଜର ବୋଲି,

ମର୍ତ୍ତ୍ଯରୁ ଦିନେ ତ ଯିବାରେ ଚାଲି ।

ପୀଡା ଦିଅ ନାହିଁ ପର ଆତ୍ମାକୁ,

ଦେଇ ଦେଖ ପୀଡା ନିଜ ଆତ୍ମାକୁ ।

ଆପଣା ଭାବି କରନି ବିଶ୍ବାସ,

ସ୍ବାର୍ଥ ଶେଷ ପରେ ଢାଳନ୍ତି ବିଷ ।

କ୍ରୋଧ କର ନାହିଁ ନ୍ଯାୟ ନୀତିକୁ,

କ୍ରୋଧ କର ହେ କୁକର୍ମ ମାର୍ଗକୁ ।

ଶତ୍ରୁ ସାଜ ନାହିଁ ଦାନ ଦୟାର,

ସାଜ ଶତ୍ରୁ ଏବେ ମୋହ ମାୟାର ।

ବେଶଭୂଷା ଦେଖି ମଣନି ସାଧୁ,

ବଚନେ ତାର ନ ଥାଏରେ ମଧୁ ।

କୁକର୍ମ ମାର୍ଗକୁ ଦିଅ ଆହୁତି,

ଯତ୍ନ କର ଦେଶ ବୋଲନ୍ତି ଯତି ।