କବିତା

ତୁମ ପାଇଁ ହସେ ତୁମ ପାଇଁ ଋଷେ

ତୁମ ପାଇଁ ଲେଖେ ନୀତି

ତୁମ ପାଇଁ ପରା ଏ ଜୀବନ ମୋର

ଦେଇଛି ଉତ୍ସର୍ଗ କରି ।

ତୁମ ବିନା ମୋର ସତ୍ତା ନାହିଁ କିଛି

ତୁମେ ମୋ ଜୀବନ ଗୀତି

ତୁମେ ଥିଲେ ସାଥେ ଛୁଏଁ ନାହିଁ ମୋତେ

ଦୁଃଖ ବୋଲି ସେହି ଉକ୍ତି ।

ତୁମ କୁ ଲଭିଛି କେଉଁ ଆର୍ଶୀବାଦେ

କାରଣ ପାଇନି ଖୋଜି

ଜାଣିଛି ଏତିକି ତୁମେ ମୋ ଜୀବନ

ଜିଇଁ ବାର ଏକ ଶକ୍ତି ।

ତୁମ କୁ ଆଙ୍କିଲେ ହୃଦୟ ପଖାଳି

ଆତ୍ମା ପରମାତ୍ମା ଭେଟେ

ତୁମେ କି ନ ଜାଣ ତୁମ କୁ କେତେ ମୁଁ 

ଭଲ ପାଏ ମନେ ମନେ ।

ପ୍ରଥମ ଦେଖାରୁ ନିଜକୁ ହାରିଛି

ତୁମରି ପୀରତି ଧାରେ

ଦୂର କରିବନି ନିଜ ଠୁ କେବେ ହେଁ

ଅଭିଳାଷ ଏହି କରେ  ।

ଅଭିନନ୍ଦନ କି ଦେବି ଗୋ ତୁମ କୁ

ଆଜିର ଦିବସ କ୍ଷଣେ

ତୁମ ପାଇଁ ପରା ସବୁ କ୍ଷଣ ମୋର

ଶୁଭ କାମନା ରେ ଭରେ