ଯେଦିନ ନଥିବି ମୁଁ

   

ସେଦିନ ବି ସଞ୍ଜ ଥିବ

ଅବ୍ୟକ୍ତ ବେଦନାରେ

ସେଦିନ ବି ସାଥ ଥିବ

ବିହଙ୍ଗ ବାହୁଡ଼ାରେ

ସେଦିନ ବି ନିଶା ଥିବ

ନିଃଶବ୍ଦେ ନୀରବରେ

ସେଦିନ ବି ସ୍ୱପ୍ନ ଥିବ

ଅବ୍ୟକ୍ତ ଭାବନାରେ ।

ସେଦିନ ବି ଦେଖା ହେବ

ପାହାନ୍ତି ପ୍ରହରେ

ସେଦିନ ବି ପ୍ରେମ ହେବ

କାକର ଟୋପାରେ

ସେଦିନ ବି ସ୍ୱପ୍ନ ଥିବ

ବାସ୍ତବ କ୍ଷଣରେ

ସେଦିନ ବି ଚୁପ ଓଠ

ନିର୍ବାଣ ପ୍ରାପ୍ତିରେ ।

ସେଦିନ ବି ଲେଖା ହେବ

କାହାଣୀ ପୋଥିରେ

ସେଦିନ ବି ଫୁଲ ଥିବ

ଦରଫୁଟା କଢିରେ

ସେଦିନ ବି ସୂର୍ଯ୍ୟ ମୁଖି

ଚାହିଁଥିବ ସବିତ୍ରେ

ସେଦିନ ବି ମନ ଥିବ

ମଉନ ସ୍ନମତେ ।

ସେଦିନ ବି ଝରୁ ଥିବ

ହୃଦୟୁ ରୁଧିରେ

ସେଦିନ ବି ଲୁହ ଲହୁ

ଏକାକାର ଜୁଇରେ

ସେଦିନ ବି ପ୍ରେମ ହେବ

ଆଖିରେ ଆଖିରେ

ସେଦିନ ବି ଜିତ ହେବ

ଅଗ୍ନିର ବୁକୁରେ ।