ମାନସିକ ଚାପ
ମାନସିକ ଚାପ
ଦ୍ରୁତ ପ୍ରଗତିର ଆଧୁନିକ ଯୁଗ
ତଥାପି କାହିଁକି ଦୁଃଖ ,
ମାନସିକ ଶାନ୍ତି ଦୁରେଇ ଯାଉଛି
ପ୍ରତୀତ ହଉନି ସୁଖ ।
ଅବସାଦ ଦୁଃଖ କରୁଛି ବିମୁଖ
ସଭ୍ୟତାର ସଦ୍ୟ ଚିତ୍ର ,
ସୁନିଦ୍ରା ନାହିଁ ରାତ୍ରୀ ଯାଏ ପାହି
ରୋଗ ଶୋକ ସାଜେ ମିତ୍ର ।
କି-ଅବା କାରଣ ବିଷୟ କରଣ
କାହିଁକି ପାରିବ ବନ୍ଧୁ , ?
କର୍ମ ଜଞ୍ଜାଳରେ ସାରା ଦିନ ସରେ
ଝରି ପଡ଼େ ଲୁହ ବିନ୍ଦୁ ।
ଚିତ୍ତ ବିନୋଦନ ନାହିଁ ତ ସମୟ
ଅହୋରାତ୍ରେ ଧନ ଚିନ୍ତା ,
କାହୁଁ ବା ମିଳିବ ମାନସିକ ଶାନ୍ତି
ପ୍ରେମର କୁହୁକ ବାର୍ତ୍ତା ।
ସମାଜିକ ବ୍ୟାଧି ସାଜି ସାରିଲାଣି
ମାନସିକ ଚାପ ରୋଗ ,
ମସ୍ତିଷ୍କ ବିକୃତ କରି ଦିଏ ସତ୍ୟ
ସ୍ଵପ୍ନ ହୁଏ ସୁଖ ଭୋଗ ।
ଉଚ୍ଚ ରକ୍ତ ଚାପ ଜୀବନ ଘାତକ
ସୁନା ସଂସାରର ଶତ୍ରୁ ,
ରୋଗ ସୃଷ୍ଟି କରେ ଇଏ ସଶରୀରେ
ମନେ ଆଣେ କେତେ କିନ୍ତୁ ।
ଚିତ୍ତବିନୋଦନ କର ବନ୍ଧୁଗଣ
ଦୁଃଖ ଯାଅ ସବୁ ଭୁଲି ,
କ୍ଷଣ ସ୍ଥାୟୀ ଏଇ ଜୀବନଟା ଭାଇ
କିଏବା ଦେଖିଛି କାଲି ।
ଚାପ ଗ୍ରସ୍ତ ଜମା ହେବା ନାହିଁ ବାବା
କରହେ ପ୍ରତିଜ୍ଞା ସର୍ବେ ,
ଏଚାପ ଦିବସ ଫୁଟେଇବ ହସ
ଆମ୍ଭେ ପରା ଅନୁଭବେ ।
ପୃଷ୍ଟି କର ଖାଦ୍ୟ କରହେ ଭକ୍ଷଣ
ଶରୀର ରହିବ ସୁସ୍ଥ ,
ନିୟମିତ ଭାବେ ରୁହ ଯୋଗାଭ୍ୟାସେ
ରମଣୀୟ ହେବ ସ୍ଵାସ୍ଥ୍ୟ ।
ନିଦ୍ରା ଯାଅ ବେଶି ଉପଯୋଗୀ ରାତି
ସଂକଳ୍ପରେ ବିତୁ ଦିନ ,
ଦୃଢ ମନା ହୋଇ କାର୍ଯ୍ୟ କର ଚେତି
ଚାପ ଘର ହେବ ଶୂନ ।
ଏଚାପ ଦିବସ ଫୁଟାଇବ ହସ
କାର୍ତ୍ତିକ ର ବୁଧବାର ,
ମାନବସମାଜ କରନାହିଁ ଦୁଃଖ
ସର୍ବେ ଢାଳ ପ୍ରୀତି ନୀର ।
ନଭେମ୍ବର ମାସ ପ୍ରଥମ ସପ୍ତାହ
ବୁଧବାର ସ୍ମୃତି ପ୍ରୀତି ,
ଏହି ଦିନଟିକୁ ମନେ ରଖିବାକୁ
ଚାପରୁ ହୁଅହେ ମୁକ୍ତି ।
ସଦାନନ୍ଦ ସାହୁ , କାରା କର୍ମଚାରୀ
କେନ୍ଦ୍ରୀୟ କାରାଗାର , କଟକ ,
ଚୌଦ୍ଵାର