ମାଣବସା

ଭଵ ଓ ଭକ୍ତିର ଅଖଣ୍ଡ ବିଶ୍ୱାସ

ମହାନ ଆମରି ଧର୍ମ ପୁରାଣ

ପ୍ରଥା ପରମ୍ପରା ସବୁଠୁ ନିଆରା

ମଧୁର ଓଡ଼ିଆ ସଂସ୍କୃତି ଦାନ ।

ବାରମାସେ ତେର ପରବ ପର୍ବାଣୀ

ଦେବୀଦେବତାଙ୍କ ପୂଜା ଅର୍ଚ୍ଚନା

ମାର୍ଗଶିର ମାସେ ମାଣବସା ନାମେ

ଲକ୍ଷ୍ମୀମାଆଙ୍କର କରୁ ବନ୍ଦନା ।

ଘରଦ୍ୱାର ଶୁଦ୍ଧ ପବିତ୍ର କରନ୍ତି

ଆନନ୍ଦ ମନରେ ପ୍ରତି ଗୃହିଣୀ

ନୂଆ ଧାନକେଣ୍ଡା ମାଣ ପରେ ଥୋଇ

ମାଆ ପାଶେକରିଥାନ୍ତି ମାଗୁଣି ।

ସଉଭାଗ୍ୟବତୀ କରିଥାଅ ମାତ

ଧନ ସମ୍ପଦରେ ପୁରୁ ମୋ'ଘର

ରୋଗବ୍ୟାଧି ଭୟ ନ ରହୁ କିଞ୍ଚିତ

ସଂସାରରୁ ଦୁଃଖ କଷଣ ହର ।