ମାଣବସା

ଆସିଲା ମାସ ମଗୁଶୁର ,

ବାରରେ ଶ୍ରେଷ୍ଠ ଗୁରୁବାର ।

ଲକ୍ଷ୍ମୀ ପୁରାଣ ବହିଟିରେ

ଉଲ୍ଲେଖ କଥାଟି ସେଥିରେ।

ପଞ୍ଚସଖା ସେ ଅନ୍ୟତମ

ଲେଖିଲେ କଥାଟି ମରମ ।

ପ୍ରସଙ୍ଗ ଲକ୍ଷ୍ମୀ ପୁରାଣରେ

ଦୁର୍ବଳା ନ ଭାବ ନାରୀରେ ।

ଜଗା ବଳିଆ ଦୁଇ ଭାଇ

ଏ ସାରା ବ୍ରହ୍ମାଣ୍ଡ ଗୋସାଇଁ ।

ଲକ୍ଷ୍ମୀଙ୍କୁ ଅପମାନ କଲେ 

ବଡ଼ ଦେଉଳୁ ତଡ଼ି ଦେଲେ ।

ମା ଲକ୍ଷ୍ମୀ ଉପାୟଟି କଲେ

ନାରୀର ମହତ ରଖିଲେ ।

ପୁଣି କହିଲେ ଜାତି କଥା

ନିଚ ଚଣ୍ଡାଳୁଣୀର ଗାଥା ।

ସ୍ଵୟଂ ମା ଲକ୍ଷ୍ମୀ ବିଜେ ହେଲେ

ଶ୍ରୀୟାର କର୍ମକୁ ଦେଖିଲେ ।

ଗୁରୁବାର ପ୍ରାତୁ ଉଠିଣ 

ସଫା ସୁତୁରା ପ୍ରତି କୋଣ ।

ଅରୁଆ ଚିତା ଚାଉଳରେ

ଗୋବର ଲିପା ଯତନରେ ।

ପୂଜିଲେ ଲକ୍ଷ୍ମୀଙ୍କ ଚରଣ

ଦୟାରେ ଦେବେଟି ଶରଣ ।

ମାଣରେ ନୂଆ ଧାନ ଥୋଇ

ଚନ୍ଦନ ସିନ୍ଦୂର ଲଗାଇ ।

ଅନ୍ନକୁ ମାନ ଦେଉଥିବ

ଧନରେ ଅହଂ ନ ରଖିବ ।

ଏ ଜାତି କଥା ମଣିଷର 

ଧର୍ମ ସଂସ୍କୃତି ସମାଜର ।

ପଥଟି ହୋଇବ ସୁଗମ

ଚିନ୍ତି ଲେଖିଲେ ବଳରାମ ।

ଅନେକ ବରଷର ପରେ

ଆଜିବି ପୂଜ୍ୟ ଘରେ ଘରେ ।