ମାଣବସା ଗୁରୁବାର

ଲକ୍ଷ୍ମୀ ଦେବୀ ବିଜେ ଆଜି ମଗୁଶୁରରେ

ଶୁଭ୍ର ଚିତା ଝଟକୁଛି ସଭିଙ୍କ ଘରେ l

ପୂର୍ଣ୍ଣ କରିବେ ମା' ଧନ ସମ୍ପଦରେ

ଏ ଆଶା ରଖିଛି ମନୁଷ୍ୟ ତା ବିଶ୍ୱାସରେ l

ହସୁଛି ଏ ଧରା ପୁଣି ଏ ପଲ୍ହିପୁର

ମା ଙ୍କ ଆବାହନୀ କି ଉପମା ତାର l

ମୁଖେ ହଳଦୀ ସିନ୍ଦୂର କଜ୍ଵଳ ମାଖି

ନାରୀମାନେ ମନାସି ବ୍ରତ ଦେଇ ମା'ଙ୍କୁ ସାକ୍ଷୀ l

ସଂସାର ତାଙ୍କ ସୁଖେ ହସିବା ପାଇଁ

ମା' ଆଶୀର୍ବାଦ ସଭିଏଁ ଲୋଡ଼ନ୍ତି ତହିଁ l

ଧନ ପୁତ୍ର ବତୀ ହେବାକୁ ନିବେଦ୍ୟ କରି

ଅହିସୁଲକ୍ଷଣି ପାଇଁ ପ୍ରାର୍ଥନା କରନ୍ତି ନାରୀ l

ମା'ର ସୁଦୟା ବଳେ ମିଳେ କୃପା ଅପାର

ହସୁ ଥାଇ ଏଇ ପୃଥିବୀ ଏଇ ସଂସାର l

ଚାଷି କୁଳ ଆନନ୍ଦିତ ଦେଖି ଫସଲ

ପୁରାଇବ ହସ ଖୁସି ଝଟକିବ ତାର ମହଲ l

ଦୁନିଆକୁ ଦେବ ପରା ଭୋକେ ଆହାର

ସେଥିପାଇଁ ଏ ମାସ ମଗୁଶୁରଟି ସାର l

ଶସ୍ୟ ସମ୍ପଦରେ ପୁଣି ଧରା ପୁରିଛି

କେତେ ଶୋଭାବିମଣ୍ଡିତେ ମହୀ ଦିଶୁଛି l

ମା' ପୂଜା କରି ସରବେ ସାତ୍ଵିକ ଚିତ୍ତେ

ମା'ଙ୍କ ଆସର ଲୋଡ଼ନ୍ତି ଜୀବନ ସ୍ରୋତେ l

ଲକ୍ଷ୍ମୀ ଦୟା କଲେ ସବୁ ଗୃହ ହସିବ

ସେଥିପାଇଁ ମା'ଙ୍କୁ ସଦା କାଳେ ଜପିବ ।