ମାଙ୍କଡ଼ ନାଚୁଛି ଥେଇକି ଥେଇ
ମାଙ୍କଡ଼ ନାଚୁଛି ଥେଇକି ଥେଇ
ହନୁମନ୍ତ ଆଜି ନାଚୁଛି ଦେଖରେ
ଥେଇକି ଥେଇକି ଥେଇ
ସଭିଏଁ କହନ୍ତି ତା ନାଚ ସୁନ୍ଦର
କିନ୍ତୁ ବାଜା ତାଳେ ସେ ଯେ ବାଇ।
ନାଚି ନାଚି ସେ ଯେ ଝାଳେ ଜୁଡୁବୁଡୁ
ହାଲିଆ ହୋଇକି ବସେ
ଧୀରସ୍ଥିରେ ବସି ଢୋଲିଆ ଟୋକା ଯେ
ସବୁ ପଇସା ଗୋଟେଇ ହସେ।
ମିଳେ ନାହିଁ କିଛି ସୁନା ମାଙ୍କଡ଼କୁ
ନାଚେ ସିନା ଦିନସାରା
ଢୋଲିଆ ଆମର ସେ ଭାରି ଚତୁର
ପଛେ ରହି ଖେଳ ଖେଳେ ପୁରା।
ମାଙ୍କଡ଼ ହୋଇକି ଅନ୍ୟ ଇସାରାରେ
କାହିଁ ନାଚୁ ମୁର୍ଖ ପରି
ମନକୁ ପଚାରି ମନ କଥା ଶୁଣି
ସାଜ ନିଜ ନାଆର ନାଉରି।