ମାନବିକତା
ମାନବିକତା
ଆସିଛି ଅଜଣା ଅଚିହ୍ନା ଏ ମହାମାରୀ
କରୋନା ନାମ ତାହାରି
ମାନବୀକତାକୁ ଦେଇଛି ମାରି
ଏ କରୋନା ମହାମାରୀ ।
ଦାତା ଆଉ ଭିକ୍ଷା ଦେଉନି ଘରୁ ବାହାରି
ଭିକାରି ଏଠି ଭୋକ ଉପାସେ ଯାଉଛି ମରି ।
ସୁଖି ପରିବାରେ ଭୟାଭୟ ଦେଇଛି ଭରି
ପରିବାର ସଦସ୍ୟଙ୍କୁ ଦେଇଛି ଅଲଗା କରି ।
ବାପ ଶବକୁ ପୁଅ ଯାଉନି କାନ୍ଧରେ ଧରି
ସାଙ୍ଗ ସାଥି ଆସୁନି କର୍ମରେ ସାହାଯ୍ୟ କରି ।
ମାନବିକତାକୁ ଦେଇଛି ମାରି
ଏ କରୋନା ମହାମାରୀ ।
ବଇଦ ଦେଖୁନି ରୋଗୀକୁ ସ୍ପର୍ଶକରି
ଚିକିତ୍ସା ଅବହେଳାରେ ରୋଗୀ ଯାଉଛି ମରି ।
ମାନବିକତାକୁ ଦେଇଛି ମାରି
ଏ କରୋନା ମହାମାରୀ ।
ଦିବ୍ୟାଙ୍ଗ ମାନେ ଏବେ ଅସହାୟ
ଜୀବ ଶ୍ରେଷ୍ଠ ମାନବ ହୁଅନାହିଁ ନିର୍ଦୟ ।
ସାହାଯ୍ୟ ସହଯୋଗର ହାତ ବଢ଼େଇ
ମାନବିକତାର ଦିଅ ପରିଚୟ
ମାନବିକତାର ଦିଅ ପରିଚୟ ।।