Library
ମାନବିକତା
ମାନବିକତା
ମାନବିକତା ହେଉ ମଣିଷ ର ଜାତି
ନଥାଉ ଜାତିପ୍ରଥା
ମାନବିକତା ହେଉ ମଣିଷର ଧର୍ମ
ନଇଁ ଥାଉ ସଦା ମଥା ।
ମାନବିକତା ହେଉ ସର୍ବ ଗୁଣ ଧର୍ମ
ଆଉ ନାହିଁ କିଛି ଆବଶ୍ୟକତା
ମାନବିକତା ହେଉ ସର୍ବସୁଖ
ନଦେଇ କା ମନେ ବ୍ୟଥା ।
ମାନବିକତାର ନ ହେଉ ଇତି
ସେ ସ୍ବର୍ଗୀୟ ପ୍ରାଣବତ୍ତା
ମାନବିକତାର ନ ଲାଗୁ କଳଙ୍କ
ଦ୍ରୁମ ପରି ବଢୁ ରକ୍ଷାକର୍ତ୍ତା ।
ମାନବୀୟ ସତ୍ତା ମାନବୀୟ ଗାଥା
ମାନବିକତା ର ଶ୍ରୋତା
ଜାତି ଇତିହାସ ଲେଖିବାକୁ ଲୋଡ଼ା
ଯେମିତି ଜାତୀୟତା ।
ମଣିଷ କୁ ଚିହ୍ନି ବାକୁ ହେଲେ
ଲୋଡ଼ା ମାନବିକତା
ସମୁଦ୍ରଠୁ ବଡ଼ ଆକାଶ ଠୁ ବଡ଼
ଯାହା ପାଖେ ସହୃଦୟତା ।
ମଣିଷ ପଣିଆ ସିଏ ଦେଖେଇବ
ଯା ପାଖେ ମନୁଷ୍ୟତା
ସର୍ବେ ଭାବନ୍ତୁ ସୁଖିନଃ ସର୍ବେ ସନ୍ତୁ ନିରାମୟ
ଫୁଟି ଉଠୁ ଏହି ବାର୍ତ୍ତା ।
ତେବେ ଏ ମଣିଷ ବୋଲାଇବ ଦିନେ
ହୋଇକି ଜଗତ ଜିତା
ସର୍ବେ ହୋଇ ସୁଖୀ ସର୍ବେ ହୋଇ ସଚେତନ
ଚିହ୍ନିବା ରୋଗୀ ଦୁଃଖି ଙ୍କର ବ୍ୟଥା ।
ପଶୁ ଓ ଶିଶୁଙ୍କ ନିରୀହ ଆଖିରୁ
ବୁଝିବା ଦୁଃଖ ଦୈନ୍ୟତା
ଅଢେଇ ଦିନକୁ ବଡେଇ ନ କରି
ହୋଇବା ଜଗତ ଜିତା ।
ବନ୍ଦେ ଉତ୍କଳ ଜନନୀ
ଜୟ ଭାରତମାତା
ସମନ୍ୱୟ ଆଉ ସହନଶୀଳତା
ମଣିଷ ଜୀବନର ଗାଥା ।
ମନୁଷ୍ୟତ୍ୱ ଗୁଣେ ସର୍ବ ଜୟୀ ହୋଇ
ପରିଚୟ ଦେବା ଭାରତୀୟ ସବୁରି ଉର୍ଦ୍ଧ ରେ
ଯେଣୁ ଜାତି ଗୋତ୍ର କୁଳ ପରିଚୟ ଏକା ମାନବିକତା l
