Library
Profile
ମାନବ ସେବା ହିଁ ମାଧବ ସେବା
ମାନବ ସେବା ହିଁ ମାଧବ ସେବା
ମାନବ ସେବାହିଁ ମାଧବ ସେବା,
ଆସ ଆଜି ଆମେ ଶପଥ ନେବା
ସେବା-ଦୟା-କ୍ଷମା ଭୁଲିବାନି ଜମା
ପର ଉପକାରେ ଜୀବନ ଦେବା
ମାନବ ସେବାହିଁ ମାଧବ ସେବା ।
ପ୍ରକୃତି ରକ୍ଷା ହିଁ ମଣିଷ ଧର୍ମ,
ମାନବ ସେବାତ ଆମରି କର୍ମ
ଦୁଃଖୀ-ରଙ୍କି କେହି ଭୋକିଲା ନ ରହି
ଆମରି ଦେଶକୁ ଆମେ ଗଢ଼ିବା
ମାନବ ସେବାହିଁ ମାଧବ ସେବା ।
ସାମାଜିକ ପ୍ରାଣୀ ସଭିଏଁ ଆମେ,
ଯୋଡ଼ିହେବା ଆସ ସମାଜ କାମେ
ହିଂସା-ଦ୍ଵେଷ-ଘୃଣା ଜାତି-ଧର୍ମ ଭୁଲି
ଭାରତ ମାଆର ସେବା କରିବା
ମାନବ ସେବାହିଁ ମାଧବ ସେବା ।
ଗୋପବନ୍ଧୁ ଦାସ ଉତ୍କଳମଣୀ,
ତାଙ୍କ ପଥେ ଆମେ ହେବା ଅଗ୍ରଣୀ
ସୁସ୍ଥ ପରିବେଶ ଦେଖିବ ଜଗତ
ବିଶ୍ଵଗୁରୁ ଆମେ ପୁଣି ହୋଇବା
ମାନବ ସେବାହିଁ ମାଧବ ସେବା ।
