ମାମୁଁଘରେ ଖରା ଛୁଟି

ଖରା ଆସିଗଲେ ମନେ ପଡ଼ିଯାଏ

ମାମୁଁ ଘରେ ଖରା ଛୁଟି

ଅତି ଆନନ୍ଦରେ କିଛି ଦିନ ମୋର

ଯାଉଥିଲା ତହିଁ କଟି ।

ପାଠପଢ଼ା ଚିନ୍ତା ମନରୁ ପାଶୋରି

ଖେଳୁଥିଲି ସାଥିମେଳେ

ଶୁଣୁଥିଲି କେତେ ଗୀତ ଗପ ମୁହିଁ

ବସିଯାଇ ଆଈକୋଳେ ।

ଅଜା ଦେଉଥିଲେ ଆଇସିକିରିମି

ଚକୋଲେଟ ଭଲିଭଳି

ସକାଳ ସଞ୍ଜରେ ବୁଲୁଥିଲି କେତେ

ଧୀରେ ଧୀରେ ପାଦେ ଚାଲି ।

ମାମୁଁ ନେଉଥିଲେ ବଜାରକୁ ସାଥେ

ଲାଗୁଥିଲା ଭାରି ମଜା

ନାନା ପ୍ରକାରର ଖେଳନା ସହିତ

ଦେଉଥିଲେ ବାରମଜା ।

ଭାଇଭଉଣୀଙ୍କ ସହ ଖାଉଥିଲି

ପାଚିଲା କେତେ ଯେ ଆମ୍ବ

ସେହିମିଠା ଆଜି ଏ ଯଉବନେ

କିଏ ଆଉ ଆଣିଦେବ ?