Library
ମାମା
ମାମା
ଅନ୍ତଫାଡ଼ି ମତେ ଜନମ ଦେଇକି
ହୋଇଗଲୁ ଏବେ ଦାହ
ଅଫେରା ରାଇଜୁ ଫେରିବୁନି ଆଉ
ଢାଳେ ବସି ଏଠି ଲୁହ !
ଅନ୍ତଫାଡ଼ି ମତେ ଜନମ ଦେଇକି
ହୋଇଗଲୁ ଏବେ ଦାହ
(ମାମା) ହୋଇଗଲୁ ଏବେ ଦାହ ।। ୦ ।।
ଖାଇ ମୁଁ ନଥିଲେ ଖୁଆଇଦେଇଛୁ
ମୁଣ୍ଡକୁ ମୋ ହାତେ ଧରି
ଶୋଇ ମୁଁ ନଥିଲେ ଶୁଆଇଦେଇଛୁ
କୋଳେ କେତେ ଗେଲ କରି
ସୁଖ ସପନକୁ ରାତି ମୋ ନିଅଣ୍ଟ
ଦୁଃଖ ମୋର ସାଥୀ କୋହ !
ଅନ୍ତଫାଡ଼ି ମତେ ଜନମ ଦେଇକି
ହୋଇଗଲୁ ଏବେ ଦାହ
(ମାମା) ହୋଇଗଲୁ ଏବେ ଦାହ ।। ୧ ।।
ରୋଗେ ପଡ଼ିଥିଲେ ଉଜାଗର ରହି
ସେବା କରିଥିଲୁ କେତେ
ତୋର ସେବା ପାଇଁ ବଳ ପାଇଲିନି
ରୁଷିଗଲୁ ଅବା ସତେ,
ଦେହ ଛାଡ଼ି ପୁଣି ଦେହାତୀତ ହେଲୁ
ସ୍ମୃତି ହେଲା ଖାଲି ସ୍ନେହ !
ଅନ୍ତଫାଡ଼ି ମତେ ଜନମ ଦେଇକି
ହୋଇଗଲୁ ଏବେ ଦାହ
(ମାମା) ହୋଇଗଲୁ ଏବେ ଦାହ ।। ୨ ।।
ମାମା ବୋଲି ଡାକ ଏଇ କଣ୍ଠେ ମୋର
ଫିଟିବନି ଆଉ କେବେ
ଆଶିଷର ଧୂଳି ଚାହିଁଥିଲେ ଆଜି
ଝରିବନି ଆଉ ଲବେ,
ଯେତେଦିନ ଥିବି ଭବ ବନ୍ଧନରେ
ଋଣୀ ଥିବି ତୋର ମୋହ !
ଅନ୍ତଫାଡ଼ି ମତେ ଜନମ ଦେଇକି
ହୋଇଗଲୁ ଏବେ ଦାହ
(ମାମା) ହୋଇଗଲୁ ଏବେ ଦାହ ।। ୩ ।।
