ମାଆ

ଅମୃତ ଗର୍ଭେ ପରାଣ ଦେଲୁ ଗୋ

ନରମ ପିଣ୍ଡ ଥିଲି ମୁଁ

ରକତ ମାଂସ ରେ ସଜେଇ ଦେଲୁ

ଅଣୁ କଣିକା ଥିଲି ମୁଁ |

ଜନମ ଦେଲୁ ବେଦନା ସହି ତୁ

ଦେଖିଲି କ୍ଷିତି ନୟନେ

ନୟନ ବି ତୋର ଅବଦାନ ତ

ଜ୍ଞାତ ହେଲି ଆଜି ମନେ |

ମାଆ ତୋର ନିସ୍ଵାର୍ଥ ପ୍ରେମ ମନ

ଅଦ୍ଭୁତ ଚିତ୍ର ଆଙ୍କିଲା 

ବଳିଦାନ ତ୍ୟାଗ ସେ ସତ୍ୟ ଗୁଣ

ଅନ୍ତରେ କକ୍ଷ ଗଢିଲା |

କେମିତି ଭୁଲିବି ତୋ ଗୁଣ ଶିକ୍ଷା

ଜୀବନେ ଆଜି ବାସୁଛି

ଅଲିଭା ଅତୁଟ ଏ ଚୀର ସ୍ଥାୟୀ 

ପ୍ରେମ ଦୀପାଳି ଜଳୁଛି |

ଆଶୀର୍ବାଦେ ଆଜି ବୟସ୍କ ହେଲି

ସବଳ ହେଲା ଅନ୍ତର

ତୋ ପ୍ରେମ ଫୁଲ ଚହଟି ଗଲା ଯେ

ବ୍ୟାପିଲା ତାର କହଁର |

ବେଦନା କ୍ଳେଶ କାଳେ ଥିଲୁ ଅଛୁ

ମମ ହସ୍ତ କୁ ଆବୋରି

ତୁହି ଗୋ ମାଆ ମୋ ଅନ୍ତର ବନ୍ଧୁ

ଅସରା ପ୍ରେମ ମୋହରି |

ମାତୃପ୍ରେମେ ଆଜି ଡୁବିତ ହେଲି

ନବ କିରଣେ ଜନମ

ଭକତି ପ୍ରେମ କୁସୁମ ଅର୍ପୁଛି

ସାର୍ଥକ ହେଉ ଜୀବନ |