ମୁରଦାର
ମୁରଦାର
ମୁରଦାର କାଏଁ ?
ମୁରଦାର ମାନକର ଇ ସଂସାରେ
ନିଜର ତନ କେ ବୁଡେଇ କରି
ପାଇମି କାଏଁ ଗା ଜୀବନ ଉକିଆ
କିନ୍ଦରୁଛା ଫାଟିଲା ମନ ଧରି ।
କିଏ ବଞ୍ଚିଛ କାଏଁ ?
ଉକିଆ ଜନ ଆର ନାଇନ କାଏଁ
ନାଇନ କାଏଁ ସେ ଧୂରୁବ ତାରା
ଗଂଧବାର ତ କଂହର ନାଇ ହେବାର
ମଲା କାଏଁ ଇ ଜୀବନ ବିଚରା ।
ଜୀବନ କାଏଁଛେ ?
ମୁଡ଼େ ଡେଙ୍ଗରଇ ମାଏଟ ଭିତରେ
ତାପି ହେଲାନ କାଏଁ ଇ ଜୀବନ
ଫିରଭୀ ଖୁଜି ମରିମି ଜୀବନ ଖୁଜା
ଫାଟି ଯିବା କାଏଁ ଇ ଟାଣ ଫଖନ ।
ମଲାନ କାଏଁ ?
ଜୀବନ ବି ଦେଖିକରି ବାଇବିଛ
ମଲା କାଏଁ ବୋଲି ଦଉଛେ ହସି
ରକତ ପୁରା ଶୂନ ପଡିଯାଇଛେ
କିନ୍ଦଇରିଲେନ ଚାଁଟି ଦିହେ ନେ ଆସି ।
କାଇ ଗୁଡା କାଏଁ ?
ଜୀବନ ଡ଼ଙ୍ଗାନେ କଣା କେନ୍ତା ହେଲା
କାଇଗୁଡା କାଏଁ ଧସକି ଗଲା
ଆର ବେଳ ଉଦବା ଭାଏଲ
ଉଦଳା ସୁରଜ ତ ଦେଖି ନାଇ ହେଲା ।
ହଲିଗଲା କାଏଁ ?
ଚାଲୁଥିଲା ବାଂକ୍ତି ତାଂକ୍ତି ରାସ୍ତା ନେ
ଜୀବନ ପାଏଦ ହଲିଗଲା କାଏଁ
ପାଏଦ ନେ କଣ୍ଟା ଖୁପିଗଲା କାଏଁଜେ
ପରଛା ପାଏଦ ଅଟକି ଗଲା କାଏଁ ।