...ଆମ ବୀର ଭୂମି...

ଆମ ବୀର ଭୂମି      ଓଡିଶା ଭାରତ 

     ଗରବିତ ଭାରତ ମାଆ 

ପାଇକ ସୈନିକ      ସହସ୍ର ପୁରୁଷ 

      ରଖିଛନ୍ତି ଓଡିଶା ନାଆ 

ଅହିଂସା ନୀତିରେ    ଗାନ୍ଧୀ ଙ୍କ ଭରସେ  

       ଲଭିଛୁ ଆମେ ସ୍ୱାଧୀନତା 

ସେହି ଅତ୍ୟାଚାରି    ବ୍ରିଟିଶ ଅଧିନୁ 

       ଘୃଣିଛୁ ସେ ପରାଧୀନତା 

ଫର ଫର ଉଡେ    ଜାତୀୟ ପତାକା 

       ଗାଏ ସେହି ଗୌରବ ଗାଥା 

ବ୍ରିଟିଶ ଶାସକ    ଇଂରେଜ ସରବେ 

       ନୂଆଇଲେ ଆପଣା ମଥା 

ଜୟୀ ରାଜ ଗୁରୁ   ଖୁଦିରାମ ବୋଷ 

     ଛିଞ୍ଚିଲେ ରକତ ଭୂମିରେ 

ମାଟି ମାଆ ପାଇଁ   ଅଗଣିତ ବୀର 

     ଚିରିଲେ ସ୍ଵବକ୍ଷ ହାତରେ 

ଲକ୍ଷଣ ନାୟକ  ସେ ସୁରେନ୍ଦ୍ର ସାଏ 

      ରକତେ ବିଜୟ ଘେନିଲେ 

ଭଗତ ସିଂହ ତ   ମାତୃଭୂମି କୋଳେ 

     ଆନନ୍ଦେ ପରାଣ ଦାନିଲେ