ମାଆ

ପଥର ଭିତରେ  ଠାକୁର ଖୋଜିଲେ

   ମୋହ ମାୟା ଖାଲି ତୁଟେ,

ବାପା ମାଆ ମୋର ଜୀବନ୍ତ ଠାକୁର

    ଜୀବନର ଚଲା ପଥେ ।

ମାଆ ହାତ ଧରି  ପୁଅ ଚାଲୁଥିଲା

    ମାଆ ଭାବୁଥିଲା ମନେ ,

ବୁଢୀ ହେଇଗଲେ ଏମିତି ଚାଲିବି

    ପୁଅ ହାତ ଧରି ଦିନେ ।

ଗଢ଼ିଥିଲେ ଘର  ରକତ ନିଗାଡି

  ସଞ୍ଚିତ ପୁଞ୍ଜି ଲଗାଇ,

ଜାଣିଥିଲା କଣ ବୃଦ୍ଧାଶ୍ରମ ଦେବ

   ଜୀବନର ଶେଷ ଛାଇ ।

ଜାଣିଥିଲା କଣ  ଏମିତି ହୋଇବ

   ବୟସ ଟା ଗଲେ ଗଡ଼ି,

ପୁଅର ଜାଗାକୁ ପୂରଣ କରିବ

  ବାଉଁଶ ର ଖଣ୍ଡେ ବାଡ଼ି ।

କେହି କରନାହିଁ  ହତାଦର ତାଙ୍କୁ

   ଚଳନ୍ତି ଦେବତା ସିଏ,

ଯେପରି କରିବ ସେପରି ଭୋଗିବ

   ବିଧିର ବିଧାନ ଇଏ ।