ମାଆ

ମାଆ ନାମ କରିଲୁ ସାର୍ଥକ

ଗୋଟେପରେ ଗୋଟେ ଜନ୍ମଦେଇ

ହାତ ଧରି ଶିଖାଇଲୁ ଚାଲି

ଶୁଆଇଲୁ ଗୀତ ଗାଇ ଗାଇ ।

ତୋର କୋଳ ସରଗଠୁ ବଡ଼

ତୋ' ପଣତ ଅଭୟ ଦାୟିନୀ

କଥା ତୋର ଲାଗେ ଭାରି ମିଠା

ହସ ନିଏ ଆମ ମନ କିଣି ।

ସେବା କଲୁ ରୋଗ ବଇରାଗେ

ରାତି ରାତି ଉଜାଗର ହୋଇ

ଖାଇବାକୁ ସବୁ ଦେଇ ବାଢ଼ି

ନିଜେ ପଡୁ ଉପାସରେ ଶୋଇ ।

ଆମକୁ ତୁ' କରିଛୁ ମଣିଷ

ଦୁଃଖ କଷ୍ଟେ ପଢ଼ାଇଛୁ ପାଠ

କିଛି ଲୁହ ପୋଛୁ ତୋ'ପଣତେ

କିଛି ଲୁହ ପିଏ ତୋର ଓଠ ।

ତୋର ଋଣ ପାରିବୁନି ଶୁଝି

ମାଆ ମୋର ଏଇ ଜନମରେ

ଇଛା ହୁଏ ନେବାକୁ ଜନମ

ବାରମ୍ବାର ତୋହରି କୋଳରେ ।