ମାଆ ସର୍ବମଙ୍ଗଳା

ମାଆ ମୋର ସର୍ବମଙ୍ଗଳା

ଅଶ୍ୱସ୍ତ ମୂଳରେ ତା ଲୀଳା ଖେଳା

ହାତରେ ପିନ୍ଧିଛି ନାଲି ଶଙ୍ଖା ଚୁଡି

ପିନ୍ଧିଅଛି ପାଟ ଶାଢ଼ୀ ସେ କଳା ।

ମାଆ ମୋର.....।

ସିଂହ ବାହନରେ ସେ ବସି

ବିହରନ୍ତି ମାଆ ନିଇତି

ଦୁଃଖୀଙ୍କ ଆରତ କରନ୍ତି ଖଣ୍ଡନ

ମାଆ ଦୟାମୟୀ ଭବର ଭେଳା ।

ମାଆ ମୋର.....।

ମହାମାରୀ ଆଧି ଓ ବ୍ୟାଧି

ମାଆ ନାମ ମହା ଔଷଧି

କର ସୁମରଣା ମଙ୍ଗଳା ମାଆକୁ

ମାଆର ଦେଉଳ ଦୁଆର ଖୋଲା ।

ମାଆ ମୋର.....।

ମାଆ ମଙ୍ଗଳର ମୂରତି

ବିରଜାଇ ମା ଆଦିଶକ୍ତି

ତା ଶୁଭ ଆଶିଷ ସଞ୍ଚରୁ ଜୀବନେ

ମାଆ ପାଦପଦ୍ମ ସାହା ଭରଷା ।

ମାଆ ମୋର...।।