ମାଆ ର ମମତା

ଶିଶୁ ଶୋଇଅଛି ମାଆ କୋଳରେ ,

                             ତାଠାରୁ ସୁରକ୍ଷା ନାହିଁ ଜଗରେ ।

ମା ସରି ମମତା ଜଗତେ ନାହିଁ,

                                 ସବୁଠାରୁ ଖୁସି ତହିଁ ମିଳଇ ।

ଦୁନିଆ ଚିହ୍ନିବ ମାଆ ଆଖିରେ,

                           ଡାକିବ ସଭିଙ୍କୁ ମାଆ ଆଜ୍ଞାରେ।

ଟିକି ପାଦରେ ସେ ଧିରେ ଚାଲିବ,

                                 ବାରମ୍ବାର ପଡି ପୁଣି ଉଠିବ।

ଖନେଇ ଖନେଇ କଥା କହଇ ,

                             ମିଠା କଥା କହି ମନ ତୋଷଇ ।

ଟିକିଏ ରାଗରେ ଯାଏ ସେ ରୁଷି,

                         ଗେଲ କରି ଦେଲେ ଦିଏ ସେ ହସି।

ଶିଶୁ ର ମନଟା ନିର୍ମଳ ଥାଏ,

                               ସେହ୍ନ ମମତା ହିଁ ବୁଝଇ ସିଏ ।

ମା ଓ ଶିଶୁ ର ନିବିଡ ବନ୍ଧନ,

                           ଶିଶୁ ବିନା ମା ଅଲୋଡା ଜୀବନ।