ମାଆ ପରି କିଏ ହେବ?

ନିଜ କଥା ସବୁ ପାସୋରି ଦେଇ ସେ

ଛୁଆ ପାଇଁ ସାରେ ସାରା ଜୀବନ

ଯେତେବେଳେ କଥା ହୁଏ ମୋର ସାଥେ

ଆଗେ ପଚାରେ କ'ଣ ଖାଇଛୁ ଧନ?

ସହିଯାଏ ସବୁ ଆଖିବୁଜି ସିଏ

କହେ ନାହିଁ କେବେ ମନର କଥା

ଛୁଆ ତାର ଖାଲି ସୁଖରେ ରହିଲେ

ସରିଯାଏ ତାର ମନର ବ୍ୟଥା l

ନଖାଇ ନପିଇ ରଖିଦିଏ ସବୁ

ଛୁଆ ଖାଇଲେ ତା ପେଟ ପୁରଇ

ଦିନ ରାତି ଭୁଲି କାମ ସେ କରଇ

ତା ଛୁଆ ହସିଲେ ସିଏ ହସଇ l

ଧନ୍ୟ ହେ ବିଧାତା ଧନ୍ୟ ତୋର ଲୀଳା

ଧନ୍ୟ ପୁଣି ତୋର ସୃଷ୍ଟି ବିଚିତ୍ର

କେତେ ଆଦରରେ କେତେ ଯତନରେ

ଭିଆଣ କରିଛୁ ମାଆ ଚରିତ୍ର l