ମାଆ ଓ ମମତା
ମାଆ ଓ ମମତା
ମରି ମରି ମୋତେ ଜନମ ଦେଇଛି
ସିଏତ ମୋଅରି ମାଆ,
ମମତାମୟୀ ସେ ମମତା ଅନ୍ଧୁଣୀ
ସ୍ନେହ ପାଗଳିନୀ ମାଆ ।
ମାଗି ମାଗି କୋଟି ଆୟୁଷ ଦେଇଛି
ସିଏତ ମୋଅରି ମାଆ,
ମାଖି ମାଖି ତେଲ ବଳିଷ୍ଠ କରିଛି
ସିଏତ ମୋଅରି ମାଆ ।
ମିଠା ମିଠା ଗୀତେ ଶୁଆଇ ଦେଇଛି
ସିଏତ ମୋଅରି ମାଆ,
ମୀନା ମୀନା ମାଳି ପିନ୍ଧାଇ ଦେଇଛି
ସିଏତ ମୋଅରି ମାଆ ।
ମୁଖେ ମୁଖେ ପାଠ ପଢ଼ାଇ ଦେଇଛି
ସିଏତ ମୋଅରି ମାଆ,
ମୂଲେ ମୂଲେ ମୋର ଉଦର ଭରିଛି
ସିଏତ ମୋଅରି ମାଆ ।
ମୃଦୁ ମୃଦୁ ହସେ ସଦା ହସାଇଛି
ସିଏତ ମୋଅରି ମାଆ,
ମୃଡେ ମୃଡେ ଜଳ କଳସୀ ଢାଳିଛି
ସିଏତ ମୋଅରି ମାଆ ।
ମେରୁ ମେରୁ ବୁଲି ସୁଖ ଯୋଗାଡିଛି
ସିଏତ ମୋଅରି ମାଆ,
ମୈତ୍ର ମୈତ୍ରୀ ପାଶୋରି ଦେଇଛି
ସିଏତ ମୋଅରି ମାଆ ।
ମୋଟା ମୋଟା ମୋଟ ବୋହିଛି ମୋପାଇଁ
ସିଏତ ମୋଅରି ମାଆ,
ମୌନୀ ସାଜି ମୁଁ ମୌନୀ ପୂଜିବି
ସୁଖରେ ରଖିବି ମାଆ ।
ଶାନ୍ତିରେ ରହୁ ମୋ ମାଆ ।