ମାଆ ଓ ମମତା

ମା, ଏକ ଛୋଟ ଶବ୍ଦ ଅର୍ଥ ତା ଅନେକ 

       ସେ ଅର୍ଥକୁ ବୁଝିବାକୁ ଲୋଡା ହୁଏ

ଭାବ, ଭକ୍ତି, ସ୍ନେହ, ପ୍ରେମ, ବୁଦ୍ଧି ଓ ବିବେକ ।

ନବୁଝି ପାରଇ ଯିଏ, ସିଏ ପାଷାଣ୍ଡ ମୁର୍ଖ ଅବିବେକ।

ମା--ରୁ "ମାଗ୍", ମାଗିକରି ଦେଖ୍

       ମନା କେବେ କରିବନି ସିଏ,

ପୂର୍ଣ୍ଣ କରିବାକୁ ତୁମ ମନୋରଥ ,

ସେଥିପାଇଁ ଥାଉ ବା ନଥାଉ ତାହାର ସାମର୍ଥ୍ୟ।

ମମତାର ଶକତିରେ ସିଏତ ବଳିଷ୍ଠ ।

    ମା --ରୁ "ମାଡ"

ମାରି ପାରେ ସିଏ,ମନେ ଭରି ଅକୁହା ବେଦନା,

ଆଣିବାକୁ କୁ ପଥରୁ ଟାଣି ସନ୍ତାନକୁ ତାର,

        ଛାତିତଳେ ଚାପିଧରି ଅନେକ ଯନ୍ତ୍ରଣା 

ମାରିପାରେ ସିଏ,ଆଉ ସନ୍ତାନଠୁ---

          ମାଡ ପୁଣି ଖାଇଥାଏ ସିଏ,

ଗର୍ଭରେ ଧରିବା ଠାରୁ ଶେଷ ଶ୍ବାସ ଟାଣିବା ପର୍ଯ୍ୟନ୍ତ

         ଦିଏନାହିଁ ଅଭିଶାପ କେବେ

କହେନାହିଁ କେବେ କାହାପାଶେ,

         ତାକୁ ଏତେ ମାଡ଼ ଦେଲା କିଏ?

କାରଣ---ସହିଷ୍ଣୁତାର ପ୍ରତିମୂର୍ତ୍ତି ସିଏ।

        ମା--ରୁ,ମାଫ୍

    ଦୁନିଆଁ ରେ ଅଛି କିଏ ଏଭଳି ମଣିଷ,

ନିର୍ବିବାଦେ ପିଇଯାଏ ଅପମାନ,ଲାଞ୍ଛନାର ବିଷ,

ସହିଯାଏ ବସୁମତୀ ଭଳି

            କରି ତାର ହୃଦକୁ ପଥର,

ମାଫ୍ କରିଦିଏ ସବୁ ଦୋଷ ସବୁ ଭୁଲ୍ ମୋର,

କାରଣ _ମା'ସିଏ ମୋର

   ହୃଦୟରେ ବହୁଛିତା ମମତାର ମନ୍ଦାକିନୀ ଝର।

ତା'ର ହୃଦୟର ଗଭୀରତା ମାପିବାଟା ଦୂରୁହ ବ୍ୟାପାର,

ଶକ୍ତି ତା'ର ପରଖିବା ଆମପାଇଁ ସୀମାର ବାହାର,

ସ୍ନେହ ତା'ର ମାପିବାକୁ ଆମ ପାଖେ ନାହିଁ ତ ନିକିତି,

      ଧୈର୍ଯ୍ୟ ତା ଅପରିସୀମ

ଲମ୍ବିଗଲେ ଚାଲିଯିବ ଦିଗ୍ ବଳୟ ଟପି।

କେତେବା କହିବି ମା' ଗୁଣତୋର ବଖାଣିବି କେତେ

           କ୍ଷମାକର

ସ୍ନେହମୟୀ, ପ୍ରେମମୟୀ,ମମତାମୟୀ ଗୋ

       ଲୋଟୁଅଛି ତୋର ପାଦ ପ୍ରାନ୍ତେ।

ଖାଲି ଏ ଜନମେ ନୁହେଁ

        ଜନ୍ମେ ଜନ୍ମେ ଜନ୍ମ ଦେବୁ ମୋତେ।