ମାଆ ଜୀବନର ସଫଳ

ମାଆର ମମତା ଅମୁଲ ମୁଲ     

ଅମୃତର ବାରିଧାରା

ମାଆର ଚୁମ୍ବନ ଜୀବନ ସ୍ପନ୍ଦନ

ଜୀବନେ ଜୀବନ ଧାରା ।

ମାଆର କୋଳ ଜୀବନ ଝୁଲଣା

ଝୁଲଣାର ଖେଳ ଘର

ଜୀବନ ଖେଳର ଆରମ୍ଭ ହୁଅଇ

ଜୀବନେ ଜୀବନ ସାର ।

ମାଆର ସ୍ପର୍ଶରେ ଜୀବନ ଉଜ୍ଜ୍ୱଳ

ଜୀବନେ ନଥାଏ ଡର

ମାଆ ଆଲିଙ୍ଗନେ ସ୍ୱର୍ଗସୁଖ ମିଳେ

ସତେକି ସୁଖ ସାଗର ।

ମାଆ ସ୍ତନଖୀର ଶକ୍ତିର ବାରିଧି

ଶରୀର ଗଠନ ପଥରେ

ମାଆ ଆଶୀର୍ବାଦ କବଚ ସଦୃଶ

ଜୀବନେ ଜୀବନ ପଥରେ ।

ମାଆ ହାତରନ୍ଧା ସୁସ୍ୱାଦୁ ଅଟଇ

ଜୀବନେ ଜୀବନ ସ୍ୱାଦରେ

ମାଆର ପଣତ ପ୍ରେମମୟ ଅଟେ

ପ୍ରେମରେ ପ୍ରେମର ଗନ୍ଧରେ ।

ମାଆ ଟିଏ ସିଏ ନିତି ଭାବୁଥାଏ 

ନିଜ ସନ୍ତାନର ମଙ୍ଗଳ

ନିଜର ସନ୍ତାନ ନିଜର ଜୀବନ

ମାଆ ଜୀବନର ସଫଳ ।