ମାଆ ଗଜ ବାହନରେ ଆସୁଛି
ମାଆ ଗଜ ବାହନରେ ଆସୁଛି
ସରାଗେ ପଦୁଅଁ ତୋଳିଛି
ଫୁଲ ଥାଳିଆ ସଜେଇ ରଖିଛି ,
ଘର ଲିପା ପୋଛା ସାରିଛି
ଘରେ ଲକ୍ଷ୍ମୀ ପାଦ ଚିହ୍ନ ଆଙ୍କିଛି ,
ଚାହିଁଛି ଚାହିଁଛି ମାଆ ଆସିବାକୁ
ମାଆ ଗଜ ବାହନରେ ଆସୁଛି , l0l
ବନ୍ଦାପନା ମାଗୋ କରିବି
ତୋତେ ଘରକୁ ପାଛୋଟି ଆଣିବି ,
ଗଙ୍ଗା ଜଳେ ପାଦ ଧୋଇବି
ତୋର ଚରଣ ରେଣୁକୁ ପାଇବି ,
ନୂଆ ଖଟୁଲିରେ ନୂଆ ବାସ ଦେଇ
ମାଆ ଆସନ ସଜାଇ ରଖିଛି , l୧l
ଧୂପ ଦୀପେ ପୂଜା କରିବି
ଝୁଣା ଧୂଆଁରେ ତୋ ଅଙ୍ଗ ଧୋଇବି ,
କର୍ପୁର ଚନ୍ଦନ ଲଗାଇ
ପାଦେ ପୂଜିବି ମୁଁ ଭୋଗ ଲଗାଇ ,
ମନା କରିବୁନି ପ୍ରସାଦ ସେବିବୁ
ମାଆ ସରାଗେ ତୋ ପାଇଁ ରାନ୍ଧିଛି , l୨l