ମାଆ ଦଶଭୁଜା

(ଛନ୍ଦ-କୌଶିକ)

ମାଆ ଦଶଭୁଜା ଉଡ଼ାଇଣ ଧ୍ବଜା

ଆସ ଅବତରି ମରତ

ଶରତ ଶୋଭାରେ ଆଶ୍ବିନ ମାସରେ

ସ୍ଥାନେ ସ୍ଥାନେ ହୁଅ ପୂଜିତ

କୀରତି ଗାଥା

ସ୍ମରଣରେ ଜାଗେ ହୃଦୟ

ଅସୁର ସଂହାର ରୂପଟି ତୁମର

ସତେ କି ଚେତନା ଉଦୟ !

ଜଗତ କଲ୍ୟାଣୀ ସିଂହବାହିନୀ

ଦଶଭୂଜା ମା' ଗୋ ଅମ୍ବିକା

ଦଶ ହାତେ ତୁମ ଦଶଟି ଆୟୁଧ

ସତେ ସମାଜ ଦୀପଶିଖା !

ଦେଖି ନେତ୍ରରେ

ଦୁଷ୍ଟ ହୁଅଇ ହରବର

ଶିଷ୍ଠ ମନରେ ଶତସିଂହ ବଳ

ବିପଦୁ ହେବା ପାଇଁ ପାର ।

ଦଶଟି ଅସ୍ତ୍ରରେ ଦଶ ଇନ୍ଦ୍ରିୟକୁ

କରନ୍ତୁ ମା' ପରିଚାଳିତ

ମନୁ ପରିତ୍ୟେଜି ଷଡ଼ ବିକାରକୁ

ମାନବ ଲଭନ୍ତା ଅମୃତ

ତାହାର ପାନେ 

ଜୀବନଟି ଅମୃତମୟ

ଶାନ୍ତି, ତୃପ୍ତି ଜଳେ କରି ମନ ଧୌତ

ତୁମ ପାଦେ ରଖନ୍ତା ଲୟ ।