ମାଆ ବିରଜାଇ ସାହା

ବିରଜା ମଣ୍ଡଳ  ଅଧିଷ୍ଠାତ୍ରୀ ଦେବୀ 

   ଜୟ ଜୟ ମା ବିରଜା

ତ୍ରିପୁର ମୋହିନୀ ସିଂହଧ୍ୱଜାରୁଢା

   ଆଦିଶକ୍ତି ଅଗ୍ରପୂଜ୍ୟା ।

ବାଜେ ଘଣ୍ଟଘଣ୍ଟା ବିଜୟ ନିନାଦ

  ଦିବ୍ୟ ତୋ ମୂରତି ଜ୍ୟୋତି

ଶିରେ ଶୋହେ ଚନ୍ଦ୍ର ସତ୍ୟ ଓ ସୁନ୍ଦର

    ଶିବ ଲିଙ୍ଗ ଗଣପତି ।

ନାଭି ଗୟା କ୍ଷେତ୍ର ପୁଣ୍ୟ ମୁକ୍ତି ପୀଠ

   ଶୁଭ ସ୍ତମ୍ଭ ଯଜ୍ଞ କୁଣ୍ଡ

ପବିତ୍ର ବାରୁଣୀ ମହା ମଧୁ ଯୋଗ

  ବୁଡ଼ ପୁରାଣ ପ୍ରସିଦ୍ଧ ।

ପୁଣ୍ୟ ବୈତରଣୀ ରସିକା କଢିର

  ପବିତ୍ର ଜଳ ସାନ୍ନିଧ୍ୟ

ମିଳଇ ପ୍ରଶାନ୍ତି ଶରୀର ଆତ୍ମାକୁ

  ପିତୃପୁରୁଷଙ୍କୁ ଶ୍ରାଦ୍ଧ ।

ମହାନ ତପସ୍ୱୀ କପିଳମୁନିଙ୍କ

  ପୂଜିତ କପିଳେଶ୍ୱର

ବୈତରଣୀ ତୀରେ ଶୋଭଇ ମନ୍ଦିର

  ମଣି ଆଖଣ୍ଡଳେଶ୍ୱର ।

ଐତିହ୍ୟ ସମ୍ପନ୍ନ ଯଜ୍ଞ ଭୂମଣ୍ଡଳ

  ବୈ।ଦ୍ଧ ଜୈନ କୀର୍ତ୍ତି ରାଜି

ପାଟକ ଗୁହକ ଯଯାତି କଟକ

  ଭୈ।ମକର ରାଜଧାନୀ ।

ବରଦା ସୁଖଦା ବିରଜାଇ ମାତା

  ଦିଅ ଢାଳି ଶୁଭାଶିଷ

କୃଷି ନୈ।ବାଣିଜ୍ୟେ ହେଉ ସୁସମୃଦ୍ଧ

  ରାଜ୍ୟ ଓଡ଼ିଶା ବିକାଶ ।