ମାଆ ବିମଳେଇ

ଉତ୍କର୍ଷକଳାର ଦେଶ ଏ ଦେଶ ଉତ୍କଳେ

ବିମଳେଇ ବାସକଲୁ ପୁଣ୍ୟ ନୀଳାଚଳେ l

ଶ୍ରୀପୀଠରେ ବିଜେକରି ସୁରନର ପୂଜ୍ୟା

କୈବଲ୍ୟଲୋଭିନି ମାତ ଉଡ଼ାଇଛୁ ଧ୍ଵଜା l

ଆଦ୍ୟ ଶକ୍ତିପୀଠ ନାମେ ଭାରତେ ବିଦିତ

ଦକ୍ଷ ଯଜ୍ଞ କାଳେ ସତୀ ପାଦ ନିପତିତ l

ଶିବବର ଲଭି ମାତେ ଶ୍ରୀକ୍ଷେତ୍ରେ ବସିଲୁ

ଶ୍ରୀହରିଙ୍କ କୈବଲ୍ୟକୁ ହରଷେ ଗ୍ରାସିଲୁ l

ଶ୍ରିହରିଙ୍କ ନଇବେଦ୍ୟ ଲଭି ତୋ ଆଘ୍ରାଣ

ଶ୍ରୀମହାପ୍ରସାଦ ହୋଇ ଅବହେଳେ ପୁଣ l

ଶ୍ରୀକ୍ଷେତ୍ରରେ ଅବସ୍ଥିତି ଭୈରବୀ ରୁପରେ

ଭୈରବରୂପେ ବସନ୍ତି ଯହିଁ ଦେବ ହରେ l

ବିମଳଦାୟିନୀ ମାତା ନାମ ତୋ ବିମଳା

ଦିବ୍ୟାନନ୍ଦମୟୀ ଭାବେ ସନ୍ତାନ ବତ୍ସଳା l

ବ

ସର୍ବକଲ୍ୟାଣ ଦାୟିନୀ ମାଆ ବିମଳେଇ

ମାଆ ନାମ ସୁମରିଲେ ସଙ୍କଟ ପଳାଇ l

ପ୍ରାଣୀଙ୍କର ଗତି ମୁକ୍ତି ମାଆ ବିମଳେଇ

ବିମଳେଇ ବିମଳେଇ ହେଉଥାଇ ମୁହିଁ l