ମା ଓ ମମତା
ମା ଓ ମମତା
ମା ଶବ୍ଦକୁ ନା କିଏ ବାନ୍ଧିପାରିଛି
ଉପମା ଅବା ଶବ୍ଦର ସୀମାରେ
ନା କିଏ କଳି ପାରିଛି ତାର ଗଭୀରତା
ନା କିଏ ଜାଣିପାରିଛି ତାର ବିଶାଳତା।
ଏ ଶବ୍ଦରେ ହିଁ ତ ସମ୍ପୂର୍ଣ ବ୍ରହ୍ମାଣ୍ଡ
ସୃଷ୍ଟି ଉତ୍ପତିର ରହସ୍ୟ ରହିଛି ଭରି
ନା କିଏ ଜାଣି ପାରିଛି ନା ଜାଣି ପାରିବ
ଏ ଶବ୍ଦର ସୀମାକୁ ଭେଦକରି।
ଜୀବନର ଆଦ୍ୟ ଗୁରୁ ଅଟେ ମା
ଶିକ୍ଷା ଦୀକ୍ଷା ସଂସ୍କାର ଶିଖାଏ ମା।
ପ୍ରତି ଦୁଃଖ ସମସ୍ୟାର ସାଥେ ଥାଏ
ପ୍ରତି ଯୁଦ୍ଦ ଲଢ଼ିବାକୁ ଶକ୍ତି ଯୋଗାଏ।
ନିଜେ ଦୁଃଖ ସହେ ପିଲାଙ୍କ ପାଇଁ
ସୁଖ ମନାସୁଥିବା ମଣିଷଟିଏ ମା
ନିଜେ ଉପାସ ରହି ପିଲାଙ୍କ ପାଇଁ
ଖାଦ୍ଯ ସାଉଁଟି ରଖିଥାଏ ମା।
ମା ର ମମତା ତ ଆମ ଜୀବନର ଆଧାର
ଯିଏ ହଜାରେ କଷ୍ଟ ସହି ମଧ୍ୟ
ଆମ ଜୀବନକୁ କରିଥାଏ ସାକାର।
ତା ମମତାର ନ ଆରମ୍ଭ ଅଛି ନ ଅଂଟା ଅଛି
ବାସ୍ତବରେ ଆମ ପାଇଁ ମା ର ମମତା ଅନନ୍ତ।
କଣ୍ଟାରେ ଚାଲି ଆମ ପାଇଁ ବିଛାଏ ଯେ ଫୁଲ
ଦେଇ ପାରିବେନି କେହି ମମତାର ମୂଲ।