ମା ଦୁର୍ଗାଶକ୍ତି
ମା ଦୁର୍ଗାଶକ୍ତି
ଦୁର୍ଗତି ନାଶିନୀ ମାଆ ଗୋ
ତୁମେ ସିଂହ ବାହିନୀ
ଶରତ ଋତୁରେ ଆସ ମା
ତୁମେ ବ୍ରହ୍ମ ଚାରିଣୀ ।
ଦଶ ମହାବିଦ୍ୟା ପ୍ରକଟି
ଦୁର୍ଗମାକୁ ମାରିଲ
ମଧୁ କୈଟଭ ଙ୍କୁ ମାରିଣ
ବିପଦ ରୁ ତାରିଲ ।
ମୋହିନି ଋପ କୁ ପ୍ରକଟି
ମହିଷା କୁ ମାରିଲ
କେତେ କେତେ ବିପଦରୁ ମା
ତୁମେ ଉଦ୍ଧାର କଲ ।
ଏବେ ଏ ଅଦୃଶ୍ୟ ବେମାରି
କେତେ ଜୀବନ ନେଲା
ଯେତେ ପୂଜା ପର୍ବ ଆମର
ସବୁ ଭଣ୍ଡୁର କଲା ।
ଅଣ ନିଃଶ୍ବାସରେ ଆମର
ପ୍ରାଣ ହେବ ବାହାର
ମୁହେଁ ତୁଣ୍ଡି ବଡ ବିପଦ
ମାଆ ତୁ ରକ୍ଷା କର ।
କାହୁଁ ଅଇଲା ଏ ବେମାରି
ମା ଏ କୋଉଠି ଥିଲା
ଲକ୍ଷ ଲକ୍ଷ ଜୀବନ ନେଲା
ଦାରୁଣ ଦୁଃଖ ଦେଲା ।
ଏ ବିପତ୍ତି ସମୟରେ ମା
ଏକା ତୁହି ଭରସା
ଆମେ ତୋ ଅମୃତ ସନ୍ତାନ
ଜୀବନେ ଦେ ତୁ ଆଶା ।
ତୋର ତ୍ରିଲୋଚନ ଅଗ୍ନି ରେ
କରୋନା ଦଗ୍ଧ କର
ନିପାତ ହେଉ ଏ ବେମାରି
ମାଆ ଉଦ୍ଧାର କର ।
ଦୁର୍ଗମାସୁର କୁ ମାରି ମା
ତୁମେ ଦୁର୍ଗ ନାସୀନି
ମହିଷାସୁର ମର୍ଦ୍ଦିନି ମା
ତୁମେ ବିଶ୍ବ ମୋହିନି ।
ରକ୍ଷା କର ରକ୍ଷା କର ମା
ତୋର ସନ୍ତାନ ଡାକେ
ଅପାର ମମତା ଦେଉ ମା
ତୋର ଭକ୍ତ ଜନକେ ।
କୋଟି ଦଣ୍ଡବତ ହେଉ ଛି
ତୋର ଶ୍ରୀ ପାଦପଦ୍ମେ
ରକ୍ଷା କର ମାଆ ଅବନୀ
ଅଳି କରେ ଶ୍ରୀ ପାଦେ ।
ତୁହି ନରଖିଲେ ମାଆ ଲୋ
ଆମେ ଭବେ ଭାସିବୁ
ଦୁର୍ଗା ଶକ୍ତି ମନ୍ତ୍ର ସ୍ମରଣେ
ଆମେ ସମାଧି ନେବୁ ।