ମା ଦୁର୍ଗା

ଜୟ ଜୟ ମାଗୋ ଦୁର୍ଗତିନାଶିନୀ

      ତୋ ପାଦେ ମାରେ ମୁଣ୍ଡିଆ ,

ସୁଖ ଶାନ୍ତି ସଭିଙ୍କ ମନେ ଭରିଦେବୁ

      କରିଥିବୁ ମାଆ ଦୟା ।।

ଦୁଃଖ ହାରିଣୀ , ମହିଷାମର୍ଦ୍ଦିନୀ ମା

     କେପାରେ ତୋ ଗୁଣ ବଖାଣି ,

ଏ ସାରା ସଂସାରୁ ପୁଣ୍ୟ ରଖିଦେଇ

        ପାପର ଅଳିଆ ନେବୁ ଛାଣି ।।

କେଡେ ଆନନ୍ଦେ ଭକ୍ତ କରେ ତୋ ପୂଜା

        ଦେବୁନାହିଁ ତାଙ୍କୁ ତୁ ସଜ୍ଜା ,

ମନହରସରେ ଦେବୁ ବର ତୁହି

        ଦେଉଥିବୁ ସୁଖ ମଜ୍ଜା ।।

ଏ ଧରା ପୃଷ୍ଠେ କରୁ ତୁ ବିଜେ

         ଚଣ୍ଡି ଚାମୁଣ୍ଡା କୁ ସାଥେ ଧରି ,

ଶଙ୍ଖ, ଘଣ୍ଟ, ହୁଳହୁଳି ତୋ ପାଦେ ସମର୍ପି

        ସ୍ୱାଗତ କରନ୍ତି ମା ତୋହରି ।।