ଲୋଟଣୀ ପାରା

ଜହ୍ନ ରାଇଜରେ  ଜାଗାଟିଏ ନେବି 

     ତୋଳିବି ତୋଲାଗି ଘର 

ସପନ ନାୟିକା  ନୃତ୍ୟ କରୁଥିବେ 

    ଦେଖି ହୋଇବୁ ବିଭୋର ll 1

ପାରିଜାତ ଫୁଲ  ସୁରଭିରେ ଭରା 

      ରଜନୀଗନ୍ଧାର ଶେଯ 

ମହମହ ବାସ୍ନା  ବିଭୋର କରିବ 

     ଦୂର ହୋଇଯିବ ଲାଜ ll 2

      

ଅଳକାନନ୍ଦାର   ସୁମଧୁର ଜଳେ 

   କରି

Advertisement

ବୁ ନିତି ସିନାନ 

ତୋ ଲାଗି ଆଣିବି  ରତନ ମେଖଳା 

    ହାତକୁ ସୁନା କଙ୍କଣ ll 3

ଇନ୍ଦ୍ରନୀଳମଣୀ   ହୀରା ମୋତି ଖଞ୍ଜି

    ପିନ୍ଧାଇବି ହାର ତୋତେ 

ରମ୍ଭା ଅପସରୀ ଉର୍ବଶୀ ସୁନ୍ଦରୀ 

    ବିଶ୍ବାସ ଯିବେନି ସତେ ll 4

ସୂରୁଯ କିରଣ   ଛୁଇଁବ ନି ତୋତେ 

    ଛୁଇଁବ ନି ତାତି ଖରା 

ମୋ କୋଳରେ ନିତି  ଘୁମୁରୁ ଥିବୁତୁ 

    ଆହା ମୋ ଲୋଟଣୀ ପାରା ll 5