ଲୋଡା ତୋ ଶ୍ରୀଅଙ୍ଗ ଧୂଳି

ଧନ ଲୋଡ଼ା ନାହିଁ ଜନ ଲୋଡ଼ା ନାହିଁ 

  ଲୋଡ଼ା ତୋ ଶ୍ରୀଅଙ୍ଗ ଧୂଳି 

ଦେଲେ ଟିକେ ଧୂଳି ହୁଅନ୍ତି ମୁଁ ବୋଳି 

   କରି ତୋତେ ଗଳାମାଳି... 

ଆରେ ଧନମାଳି ତୁ ମୋ ସୁନାଥାଳି 

   ଦେଏ ତୁ କରୁଣା ଢାଳି 

ତୋ କରୁଣା ଢଳି କାଳେ ଯିବ ମିଳି 

  ମୋ ସ୍ୱାର୍ଥପରତା ମଳି... 

ମନେ ତୋତେ ଭାଳି କରୁଛି ମୁଁ ଅଳି 

  ଲିଭେଇଦେ ସ୍ୱାର୍ଥ କାଳି

ଲିଭିଲେ ସେ କାଳି ସବୁ ଯିବ ଜଳି 

   ହଟିବ ସଂସାରୁ କଳି... 

ହଟିଗଲେ କଳି ଆରେ ବନମାଳି 

   ଯିବରେ ବିପଦ ଟଳି 

ଖାଇ ସରପୁଳି ମାରି କରତାଳି 

 ତୁଦେ ପଛେ ମୋତେଜାଳି...

ଜଳି ଦୀପ ଭଳି ଦେବି ଦୀପ୍ତି ଢାଳି 

  ଲୋଡି ବିନି ଶ୍ରଦ୍ଧାଞ୍ଜଳି 

ତିଳ ତିଳ ଜଳି ଭାବେ ହୋଇ ଗୋଳି

  ଦେଉ ଥିବି ପୁଷ୍ପାଞ୍ଜଳି...