ଲକ୍ଷ୍ୟ
ଲକ୍ଷ୍ୟ
1 min
180
ନିସ୍ତେଜ ସୂର୍ଯ୍ୟ କିରଣ
ଅସ୍ପଷ୍ଟ ଦିଗ୍ ବଳୟର
ପ୍ରଗାଢ଼ ଅନ୍ଧକାର ଭିତରେ
ଦେଖ ! କେମିତି ଜୀବନର
ଲକ୍ଷ୍ୟଗୁଡ଼ିକ କଡ଼ ଲେଉଟାଉଛନ୍ତି ।।
କିଛି ଗୋଧୂଳିରେ ଲୀନ
କିଛି ଝାଉଁଳା ଉପବନ
କିଛି ସ୍ମୃତିର ସନ୍ତକ
କିଛି ବୃକ୍ଷେ ମୁଦ୍ରିତ
ଦେଖ ! କେମିତି ଜୀବନର
ଲକ୍ଷ୍ୟଗୁଡ଼ିକ ଇତସ୍ତତଃ ଅସ୍ତବ୍ୟସ୍ତ ।।
କେତେବେଳେ ଝରିଯାଏ
ଶେଫାଳିଟେ ହୋଇ,
ପୁଣି ଅସ୍ତିତ୍ବ ଆତ୍ମସାତ୍ ଅନ୍ତେ
ଜୀବନ ଦିଏ ମହକାଇ,
କେତେବେଳେ ଛିଡ଼ା ସିଏ
ଅଭିସାର ସ୍ୱରୂପ ନେଇ
ପୁଣି ଖର ପ୍ରଖର
ସମସ୍ୟାର ଉଛୁଳା ନଈ
ଦେଖ ! କେମିତି ଜୀବନର
ଲକ୍ଷ୍ୟଗୁଡ଼ିକ ଫିକା ପଡ଼େ ରଙ୍ଗ ବଦଳାଇ ।।