ଲକ୍ଷ୍ମୀଙ୍କ ରୋଷ.

ଭାଇ ଭଉଣୀଙ୍କୁ ସାଙ୍ଗରେ ନେଇକି

    କରିଲେ ଗୁଣ୍ଡିଚା ଯାତ

ଲକ୍ଷ୍ମୀ ଠାକୁରାଣୀ ଙ୍କ ଅଗୋଚରରେ

    ସେଥିପାଇଁ ମାଆ କ୍ଷିପ୍ତ ।

ମାଆ ବିମଳାଙ୍କୁ ଜଣାଇଲେ ଦୁଃଖ

    ପ୍ରତିକାର ଦେଲେ ମାତା

ତାକୁ ନେଇ କରି ଚଳିଲେ କମଳା

    ଜାଣିଲେ ଜଗତ କର୍ତ୍ତା ।

ହେରା ପଞ୍ଚମୀରେ ରାଗିକରି ମାଆ

    ନନ୍ଦିଘୋଷ ରଥ କାଠ 

ଭାଙ୍ଗିଦେଇ ସଖି ମାନଙ୍କର ସାଙ୍ଗେ

    ଫେରିଲେ ମର୍ତ୍ତ୍ୟ ବୈକୁଣ୍ଠ ।

ଆସିଲେ ଗୋବିନ୍ଦ ଦ୍ୱାର ହେବ ବନ୍ଦ

    ଭାଙ୍ଗିବେ ଲକ୍ଷ୍ମୀଙ୍କ ମାନ

ରସଗୋଲା ଖୋଇ, ପାଟ ଶାଢ଼ୀ ଦେଇ

    ତୋଷିବେ ମାଆଙ୍କ ମନ ।

ଧନ୍ୟ ଧନ୍ୟ ତୁମେ ହେ କଳା ଠାକୁର

    ମାନବୀୟ ଲୀଳା କରି

କିଏସେ ବୁଝିବ ତୁମ ମାୟା ପ୍ରଭୁ

     ମର୍ତ୍ତ୍ୟେ ନର ଦେହ ଧରି ।