ଲଜ୍ଜ୍ୟା

କେମିତି ଦୁନିଆ ବଦଳିଗଲାଣି ଦେଖ

ଲାଞ୍ଚ ନେଲେ ଲାଜ ଲାଗୁନି

ବୁଢା ବାପା ମାଆ ଙ୍କୁ ଲାତ ମାରିଲେ

ପୁଅବୋହୁକୁ ଲାଜ ଲାଗୁନି

ହେଲେ ଅପାଠୁଆ କହିଦେଲେ ବୋଲି

ମୁଣ୍ଡ ନଇଁପଡୁଛି ଲାଜରେ

ପିଲାଙ୍କୁ ଅଶିକ୍ଷିତ କରିଦେଲେ

କାହାକୁ ଲାଜ ଲାଗୁନି

ଗାଡିରେ ତେଲ ନ ଥିଲେ

ଚାଳକକୁ ଲାଜ ଲାଗୁନି

ହେଲେ ପାଦରେ ଚାଲି ଆସିବାକୁ କହିଲେ

ଘରେ ଲୁଚିଯାନ୍ତି ଲାଜରେ

କାହାର ଝିଅ ବୋହୁକୁ ଖରାପ ଆଖିରେ ଦେଖିଲେ

ପୁଅଙ୍କୁ ଲାଜ ଲାଗୁନି

ଅନ୍ୟ ପୁରୁଷ ସହ ପୀରତି ରଖିଲେ କି ବୁଲିଲେ

ଆଜିର ଝିଅଙ୍କୁ ଲାଜ ଲାଗୁନି

ଅଙ୍କଲ କି ଆଣ୍ଟି କିଏ ଡାକିଦେଲେ ତାଙ୍କୁ

ଦେହ ଜଳିଯାଏ ଲାଜରେ

ଛି...ଛି..ଛି ଏ ଯୁଗ ପୁରା ବଦଳିଗଲାଣି

ଖରାପ କାମ କଲେ କାହାରିକୁ ଲାଜ ଲାଗୁନି

ହିଂସା କି ରାଜନୀତି କଲେ ଏ ଜନତାଙ୍କୁ

ତିଳେ ହେଲେ ଲାଜ ଲାଗେନି

ହେଲେ ହାତରେ କନାବ୍ୟାଗ ଧରି ବଜାର ଯିବାକୁ

ବାଟ ଚାଲିପାରନ୍ତିନି ଲାଜରେ