ଲାଇବ୍ରେରୀ
ପ୍ରୋଫାଇଲ୍
ଲିମ୍ବ କାଠେ ତୋର ଦେହ
ଲିମ୍ବ କାଠେ ତୋର ଦେହ
1 min
250
ଶାଳୁଆ କାଠରେ ରଥ ଗଢ଼ା ତୋର
ଲିମ୍ବ କାଠେ ତୋର ଦେହ.
ଚିକ୍କଣ କାଳିଆ ଦେହଟି ତୋହର
ଚିକ୍କଣ କାଳିଆ ମୁହଁ.
ସେତ, ଅପୂର୍ଵ ଶୋଭା ବିଗ୍ରହ. l0l
ଷୋଳକଳା ନେଇ ଷୋଳଚକା ଥାଇ
ନନ୍ଦିଘୋଷ ଯାଏ ଗଡି.
ଟାଣନ୍ତି ଭକତେ ତୋଷ ହୋଇ ଚିତ୍ତେ
ଭକତି ପସରା ବାଢି.
ଆଖିରେ ଆଖିରେ ତୋର ରୂପ ଦେଖି.
ମନରେ ମନରେ ତୋ ଭାବ ପରଖି.
ଲଭେ ଅପୂର୍ବ ସେନେହ. l1l
ତିନିରଥ ଗଡେ କେତେ ଭକ୍ତ ମେଳେ
ଘଣ୍ଟ, ଘଣ୍ଟା ତାଳେ ତାଳେ.
ବଡଦାଣ୍ଡ ଭାସେ ଭକତି ଜୁଆରେ
ପାପ ନାଶ ଚକତଳେ.
ଅପୂର୍ଵ ରଥରେ ଅପୂର୍ବ ମୂରତି
ଶୋଭା ବର୍ଣ୍ଣିବାକୁ ନାହିଁ କା ଶକତି.
ଅପୂର୍ବ କାନ୍ତି ତା ମୁହଁ. l2l
