ଲୀଳା

ସିଂହଦ୍ୱାରେ ପହଣ୍ଡି କରି ସାରି 

ରଥେ ବିଜେ ଧର୍ମଦାଣ୍ଡେ ବାହାରି 

ଘୋଷଯାତରେ ଶ୍ରୀହରି 

ପତିତପାବନ ନାମ ସାର୍ଥକ କରି 

ନବଦିନାକ ଯାତ୍ରା ରୀତିନୀତି ଅନୁସରି 

ଗୁଣ୍ଡିଚାଯାତ୍ରା କରି କରାଅ ହରି 

ଜନ୍ମବେଦୀକୁ ଅବଲୋକନ କରି 

ଅନ୍ତର୍ବେଦୀକୁ ସ୍ମରି 

ଆଡ଼ପ ମଣ୍ଡପେ ମୋକ୍ଷ ଭରି 

ବାହୁଡାଯାତ୍ରାରେ ଆସ ଫେରି 

ତୁମ ପାଇଁ ସାଇତା ବସ୍ତ୍ର ରଙ୍ଗେ ଭରି 

ରବିବାର ନାଲି ସୋମବାର ଧଳା ଛିଟ 

ମଂଗଳେ ପାଟୁଆ ବୁଧରେ ସବୁଜ 

ଗୁରୁରେ ହଳଦିଆ ଶୁକ୍ରବାର ଧଳା ସାଧା 

ଶନିରେ କଳା ବା ବାଇଗଣୀ ପସନ୍ଦ ତୁମରି 

ଭକତେ ଛୁଟନ୍ତି ଦେଖିବାକୁ ମନଭରି 

କେବେ ଧର୍ମଦ୍ୱାରେ କେବେ କର୍ମଦ୍ୱାରେ 

କେବେ ମୋକ୍ଷଦ୍ୱାର କେବେ ଅର୍ଥଦ୍ୱାର ପାରି

କେବେ ପିନ୍ଧି ଖଣ୍ଡୁଆପାଟ 

କେବେ ଗୀତଗୋବିନ୍ଦ ଲେଖା ପାଟ ତୁମରି 

କଟନ ବସ୍ତ୍ରରେ ତୁମର ବି ନଜର ଭାରି.