ଲେଖା ଓ ଲେଖନୀ
ଲେଖା ଓ ଲେଖନୀ
ସଭ୍ୟତା ସଂସ୍କୃତି
ସମାଜର କରେ ବିକାଶ
ମାତୃଭାଷା ମାତୃଭୂମି ସମ୍ବନ୍ଧେ
କରିଥାଏ ଯେ ପରିପ୍ରକାଶ
ଜାତିର ଅସ୍ମିତା
ମାଟି ମାଆର ପ୍ରାଣକେନ୍ଦ୍ର ସେ
ଯେ ସର୍ବ ଭାବ ର ଅଟଇ ସୃଜନୀ
ସେ ଆମ ସଭିଙ୍କର ଲେଖା ଓ ଲେଖନୀ ।
କବିର ହୃଦୟ
ଲେଖକର ସେ ସ୍ଵତନ୍ତ୍ର ପରିଚୟ
ଶଦ୍ଦ,ବାକ୍ୟ, ପଦର
ସେ ଅଟେ ନିର୍ଝରିଣୀ
ସେ କବି ଓ ଲେଖକର
ଶିରା, ପ୍ରଶିରା ଓ ଧମନୀ
ସେ ସାହିତ୍ୟ ସୃଷ୍ଟି ର ମାଧ୍ୟମ
ସେ ସ୍ଵତନ୍ତ୍ର ସୃଜନୀ
ସେ କବିତା, ପ୍ରବନ୍ଧ,
ଉପନ୍ୟାସ ଓ କାହାଣୀ
ସାହିତ୍ୟ ସର୍ଜନା ପାଇଁ
ସେ ଆମ ସମସ୍ତଙ୍କ
ଲେଖା ଓ ଲେଖନୀ ।
ସମାଜର ଅସ୍ତିତ୍ବ ସେ
ସାହିତ୍ୟର ଅକ୍ଷର ସେ
ମା ମାଟିର ମମତା ସେ
ଜାତିର ଜାତୀୟତା ସେ
କୃଷକର କୃଷି ସେ
ଶ୍ରମିକର ଶ୍ରମ ସେ
ସ୍ଵାମୀର ପତ୍ନୀ ସେ
ପ୍ରେମିକାର ପ୍ରେମିକ ସେ
ଅନ୍ଧର ଜଷ୍ଟି ସେ
ଜଡ ଓ ଜୀବର ସୃଷ୍ଟି ସେ
ଖଞ୍ଜର ଆଶାବାଡି ସେ
ମୁକର ସୁମଧୁର ବାକ୍ୟ ସେ
ସେ ହିଁ ବିଲୟ, ସ୍ଥିତି ଓ ସୃଷ୍ଟି
ଏ ସୃଷ୍ଟି ସର୍ଜନାର ସମସ୍ତ ସୃଜନୀ
ଲେଖକ କବି ପାଇଁ କରେ
ମହତ୍ତ୍ୱପୂର୍ଣ୍ଣ ସୃଜନୀ
ସେ ସବୁ ଲେଖକ ଲେଖିକାଙ୍କ ପ୍ରିୟ
ଲେଖା ଓ ଲେଖନୀ ।
ଜୀବ ଓ ପରମଙ୍କ ମଧ୍ୟେ ବାନ୍ଧେ
ଭାବର ବନ୍ଧନୀ
ପ୍ରିୟା ଓଠେ ଫୁଟାଏ ହସର ଲହରୀ ପୁଣି
ଆନନ୍ଦ ନିରାନ୍ଦ ର ଭାବ ସଂସାରେ ଦିଏ ବୁଣି
କେବେ ଖରା କେବେ ବର୍ଷା ତ
କେବେ ଶୀତ, ବସନ୍ତ, ହେମନ୍ତ, ଶରତ
ଋତୁ ସମ୍ପର୍କରେ ଦିଏ ସବୁ ବଖାଣି
ସେ ସର୍ଜଇ ସାହିତ୍ୟ
ସେ ସର୍ଜଇ ସମାଜ
ସେ ବିଶ୍ଵ ମାତୃକାର ଅଟେ ଜନନୀ
କବିର କବିତା ସେ
ଲେଖକର ପ୍ରବନ୍ଧ ସେ
ସେ କଥାକାର ର କାହାଣୀ
ସବୁ ସର୍ଜନା ର ଅଟେ
ଜନ୍ମଦାତ୍ରୀ ଜନନୀ
ସେ କବି ଓ ଲେଖକ ମାନଙ୍କର
ହୃତପିଣ୍ଡ ଓ ଧମନୀ
ସେ ଆମ ସମସ୍ତଙ୍କ
ଅତି ପ୍ରିୟ ଲେଖା ଓ ଲେଖନୀ ।