ଆଜିର ଶୀତ ସକାଳ
ଆଜିର ଶୀତ ସକାଳ
କିଚିରି ମିଚିରି ଚଢ଼େଇ ଶବଦେ
ଧରା ହେଲା ପ୍ରକମ୍ପିତ
ପୃଥିବୀ ରାଣୀ କଡ ଲେଉଟେଇ
ଶୀତକୁ କଲା ସ୍ଵାଗତ ।
ନାହିଁ ସେ କୁହୁଡି ନାହିଁ ତ ଶିଶିର
ଘାସ ଗାଲିଚା ଉପରେ
ପତ୍ର ଫୁଲ ଡାଳ ରଙ୍ଗେଇ ହେଇଛି
ଗୁତୁକ ପାନ ଛେପରେ ।
କାର୍ତ୍ତିକ ଯାଇକି ମାର୍ଗଶିର ଆସି
ପୌଷ ଆସି ଦ୍ବ୍ୟର ବନ୍ଧରେ
ହେମନ୍ତ କହୁଚି କାହିଁକିରେ ଶୀତ
ଡର ନାହିଁ ଜନ ମନରେ ।
ପିନ୍ଧୁନାହିଁ ଶୀତ ବସ୍ତ୍ର କେହି ଦେହେ
ଜଳୁ ନାହିଁ ନିଆଁ ଭୂଇଁରେ
ମୁହେଁ ତୁଣ୍ଡି ଦେଇ ବାହାରେ ମଣିଷ
ନିତିଦିନିଆ ତା କାମରେ ।
ଥରୁ ନାହିଁ ଦେହ ଏ ଥଣ୍ଡା ପବନେ
ବାଜୁନାହିଁ ଦାନ୍ତ ପାଟିରେ
ଆଜିର ମଣିଷ ଖାତିରି ନକରେ
ଶୀତ ଗୋଟେ କି ଋତୁରେ ।