ବର୍ଷା ରୁଷିଚି!

ଅନ୍ଧାର ର ଅଜଣା ବନ ରେ ରୁଷି ଯାଇଛି ବର୍ଷା 
ପଚାରୁଛି ଅଙ୍କା ବଙ୍କା ପ୍ରଶ୍ନ ସାରୁ ପତର କୁ,
କାଇଁ ତୋ ମୂଳ ରେ ଶୂନ୍ୟ ସ୍ଥାନ
ବେଙ୍ଗ ର କଟର କଟର ଶବ୍ଦ ରେ 
ହେଇଗଲୁ କି ଅଧର୍ୟ।।
ପଚାରୁଛି ଅନ୍ଧାର କୁ
କାଇଁ ଆଜି ଏତେ ଡର ତୋ ମନ ରେ
ଜୁଳୁଜୁଳିଆ ପୋକ ର ଆଲୁଅ ରେ
କଣ ତୋର ଅସ୍ଥିତ୍ଵ ହଜି ଯାଇଥାନ୍ତା।
ପଚାରୁଛି ସେଇ କଂକ୍ରିଟ ଘର କୁ
ଓଳି ପାଣି ରେ କାଇଁ କାଗଜ ଡଙ୍ଗା ନାହିଁ
ପୁରୁଣା ବହି ଖାତା ର ସ୍ଥାନ ନେଇଛି 
ଅତ୍ୟାଧୁନିକ ଅନଲାଇନ ପାଠ ପଢା।
ଡାକୁଛି ଛୋଟ ପିଲାଙ୍କୁ
ଆମ୍ବ ପଡ଼ିଛି ଗଛ ମୂଳ ରେ
ଗଡି ଯାଉଚି ଗାଡିଆ ନର୍ଦ୍ଦମା କୁ
ଏ ବର୍ଷ କଣ ପଖାଳ ପାଖ ରେ 
ଆମ୍ବୁଲ ଜାଗା ଅପୁରଣ ରହିବ।
ବର୍ଷା ରୁଷିଛି,
ରୁଷିଲେ ବି କଣ ଆଉ ହବ 
ସେ ପୁଣି ଆସିବ 
ମୌସୁମୀ ରେ ନହେଲେ ବି 
ଲଘଚାପ ରେ ଭିଜେଇ ଦବ।