ଦୀପାବଳି

କାର୍ତ୍ତିକ ମାସର ଅମାବାସ୍ୟା ଆସେ

ଦୀପାବଳି ପର୍ବ ନେଇ 

ଆସିବା ଆଗରୁ ଘରଦ୍ବାର ସବୁ

ସଫାସୁତୁରା ହୁଅଇ  ।

ଦୀପାବଳି ପର୍ବ ଦିଦିନ ଆଗରୁ

ଧନ ତ୍ରୟୋଦଶୀ ଆସେ

ଧନତେରସ ବୋଲି କହନ୍ତି ତାକୁ

ଆସି ସେ ଧନ ବରଷେ ।

ସୁନା ରୂପା ଧାତୁ ବାସନ କୁସନ

ଝାଡୁ କିଣା କିଣି ହୁଏ 

ଖାଦ୍ୟଶସ୍ଯ କିଛି କିଣା କିଣି କରି

ଘରେ ତା ସାଇତା ହୁଏ ।

ଚାରିମୁହାଁ ଦୀପ ତିନିଦିନ ଜଳେ

ଯମରାଜଙ୍କର ପାଇଁ 

ରାଶିତେଲ ଦେଇ ଦକ୍ଷିଣ ଦିଗରେ

ଏ ଦୀପଦାନ ହୁଅଇ ।

ନରକ ଚତୁର୍ଦ୍ଦଶୀ ତା ପରଦିନ

ଅମବାସ୍ୟା ତାହାପରେ

ସଞ୍ଜ ନଇଁ ଗଲେ ଦୀପଦାନ ଶ୍ରାଦ୍ଧ

ହୋଇଥାଏ ଘରେ ଘରେ।

ବଡ ବଡିଆଙ୍କୁ ଆଲୋକର ବତୀ 

ଆକାଶେ ଟେକି ଦେଖାଇ

ବିଦାୟ ଦିଅନ୍ତି ପୁରଜନମାନେ

ଆଲୋକ ହୁଳା ଦେଖାଇ ।

ଦେଢ ମାସ ତଳୁ ଆଶ୍ୱିନ ମାସରୁ

ଆସିଥିଲେ ପିତୃଗଣ 

ଫେରିଲେ ସରବେ ଦୀପାବଳିଦିନ

ପାଇ ଶ୍ରାଦ୍ଧ ତରପଣ ।

ପିଠା ମିଠା ଆଉ ଆଲୋକ ପରବ

ନେଇ ଆସେ ଦୀପାବଳି

ସଭିଏଁ ହୁଅନ୍ତି ହରଷ ମନରେ

ଜାଳନ୍ତି ଦୀପ ଆବଳି।

ଅନ୍ଧକାର ନାଶେ ଆଲୋକ ପରବ

ମନରେ ଆଣେ ଉଲ୍ଲାସ 

ସଂସ୍କୃତି ଆମର ସଂରକ୍ଷଣ କରି

ଦୀପଦାନ ଦେବା ଆସ ।