ଆସ ଦୀପାବଳୀ
ଆସ ଦୀପାବଳୀ
1 min
194
ଦୀପାବଳୀ ତୁମେ ଆସ ଅବତରି
ଘୋର ଅମାନିଶା ଦୀର୍ଘ ବିଭାବରୀ,
ସବୁରୀ ଦୁଆରେ ଜଳି ଉଠୁ ହସି
ଆଲୋକର ପର୍ବ ଶୁଭ ଦୀପାବଳୀ ।
ତୁମ ଆଗମନେ ଦୁରେ ଯାଉ ଭାସି
ତମସାର ଘନ କୃଷ୍ଣ କେଶ ରାଶି,
ସବୁରୀ ହୃଦୟ ହେଉ ଆଲୋକିତ
ଧରାପୃଷ୍ଠେ ଝରୁ ଖୁସି ରାଶି ରାଶି ।
ତମସାର ଆବରଣ ଯାଉ ଦୁରେ
ଆଲୋକରେ ଦିଶୁ ଚାରୁ ମୁଖ ବାରେ,
ଐକତ୍ୱର ଶଙ୍ଖ ବାଜି ଉଠୁ ଆଜି
ହସ ଫୁଟି ଉଠୁ ସବୁ ଓଠ ଧାରେ ।
ପ୍ରେମର ପାର୍ବଣ ହେଉ ସଂକ୍ରମିତ
ଜନ ମନ ଦେଶ ଗ୍ରାମ ଓ ଜଗତ,
ଇର୍ଷା, ଘୃଣା ଦ୍ୱେଷ ଆଦି ରିପୁ ଯେତେ
ଦୁର ହୋଇ ହୋନ୍ତୁ ପ୍ରେମରେ ପ୍ଲାବିତ ।