ଜୀବନ

ସୁଖ ଦୁଃଖ ଆଉ ହସ, କାନ୍ଦ ସବୁ

ଆସେ ଋତୁଚକ୍ର ପରି

ସୁଖ ରେ ହେବାନି ଆନନ୍ଦେ ଗମନ

ଦୁଃଖରେ ଯିବାନି ହାରି ।

ଦୁଃଖ ନସହିଲେ ସୁଖର ମହତ୍ୱ 

ହୋଇପାରନ୍ତା କି ବୁଝି?

ଲୋତକ ନଥିଲେ ହସ ଟିକେ କିଏ

କାହିଁକି ଯାଆନ୍ତା ଖୋଜି ।

ଏମିତି ମଣିଷ ନାହିଁ ଦୁନିଆରେ

ସମସ୍ୟା ଯାହାର ନାହିଁ

ଏମିତି ସମସ୍ୟା ଦେଖିଛକି କେବେ

ସମାଧାନ ଯା'ର ନାହିଁ ?

ତୁମେ ବି କରିଛ ଜୀବନେ ସଂଗ୍ରାମ 

ମୁଁ ବି କରିଛି କିଛି

ସାରା ଜୀବନ ଯେ ସୁଖରେ କାଟିଛି

ଦେଖିଛ କି କେହି ଅଛି ?

  

ହସ, କାନ୍ଦ ଆଉ ଲୁହ, ଲହୁଭରା 

ଏଇ ତ ଜୀବନ ପଥ

କେବେ ଫୁଲଝରା ସୁଷମା ରେ ଭରା

କେବେ ପୁଣି କଣ୍ଟକିତ ।

କାହିଁକି ଡରିବା ସମସ୍ୟାକୁ ଦେଖି

ହାରିଯିବା ଦେଖି ଦୁଃଖ ?

ଧୌର୍ଯ୍ୟ ଓ ସାହାସ ହୃଦୟରେ ଥିଲେ

ନିଶ୍ଚୟ ମିଳିବ ସୁଖ ।