ଏଣ୍ଡୁରି ପିଠାରେ ପୁରି ଉଠେ ଘର
ଏଣ୍ଡୁରି ପିଠାରେ ପୁରି ଉଠେ ଘର
ଅଷ୍ଟମୀ ମହତ୍ତ୍ଵ ଅପାର,
ସଂସ୍କୃତି ସନାତନ ଯାର !
ମାସ ମାର୍ଗଶିର ଅଷ୍ଟମୀ,
ପକ୍ଷ କୃଷ୍ଣ ପ୍ରଥମାଷ୍ଟମୀ !
ଏଣ୍ଡୁରି ପିଠାର ବାସନା,
ପୁରି ଉଠେ ଘର ଅଗଣା
ପଢୁଆଁଷ୍ଟମୀ ଏ ନାମିତ,
ତୋଢୁଆଁଷ୍ଟମୀରେ ବିଖ୍ୟାତ !
ଓଡ଼ିଆ ଙ୍କ ପାରମ୍ପରିକ
ପାଳନ୍ତି ଏ ଓଡ଼ିଆ ଲୋକ
ବଂଶର ପ୍ରଥମ ସନ୍ତାନ
କରନ୍ତି ବନ୍ଦାପନା ଜନ !
ନୂତନ ବସ୍ତ୍ର ପରିଧାନ
କରନ୍ତି ସନ୍ତାନ ଧାରଣ
ବର୍ଷର ଆଦ୍ୟ ମାସ ଏହୁ
ତାର ମହତ୍ତ୍ଵ ଅଛି ବହୁ !
ମାମୁଁ ଘରରୁ ଆସେ ଭାର
ଭାର ଏଣ୍ଡୁରି ନାମ ତାର !
ବନ୍ଦାପନା କରି ଲକ୍ଷ୍ମୀଙ୍କୁ
ଭକ୍ତି ଓ ପ୍ରେମରେ ମାତାଙ୍କୁ !
ନୈବେଦ୍ୟର ପିଠା ଏଣ୍ଡୁରି
ଅଷ୍ଟମୀ ପୂଜାରେ ତାଙ୍କରି
ନୂଆ ଧାନ ବେଣ୍ଟ ରଖନ୍ତି
ଭକ୍ତିରେ ଲକ୍ଷ୍ମୀଙ୍କୁ ପୂଜନ୍ତି !
ବନ୍ଦାପନା ବଡ଼ ସନ୍ତାନ
ଦୁହେଁ ଝିଅ ପୁଅରେ ଭିନ୍ନ
ଶଙ୍ଖ ହୁଳହୁଳି ଗୁଞ୍ଜନ
ଲକ୍ଷ୍ମୀଙ୍କୁ କରନ୍ତି ପ୍ରସନ୍ନ !
କର ମା କରୁଣା ସନ୍ତାନେ
ନଜର ରଖ ଅନୁକ୍ଷଣେ
ହଳଦୀ ପତ୍ରର ଏଣ୍ଡୁରି
ଶୁକ୍ଳ ଧାନର ବେଣୀ କରି !
ପର୍ବ ପରା ଏ ଓଡ଼ିଆଙ୍କ
ସଂସ୍କୃତି ସଂସ୍କାର ଉମଙ୍ଗ
ପାଳିତ ବିଚ୍ଛିନ୍ନ ଭୂମିରେ
ପରା ଜ୍ୟେଷ୍ଠ ପୁତ୍ର ପୁତ୍ରୀରେ !
ନାନାଦି ବ୍ୟଞ୍ଜନ ନିର୍ମାଣ
ଖୁସି ଆନନ୍ଦ ମନ ପ୍ରାଣ !
ଅଷ୍ଟମୀ ମହିମା ଅପାର
ଗୁଞ୍ଜୁଛି ଧରଣୀ ଉପର !