ଲଦାଖ ମୈଦାନ

ନିଘଞ୍ଚ ଏକ ଜନଶୂନ୍ୟ ପରିବେଶରେ

ଅହରହ

ଯୁଦ୍ଧ ମଇଦାନର ମରୁଭୂମିରେ

ଭାରତ ଚିନ ସିମାନ୍ତରେ

ଉଜାଗରେ

ଜାଗ୍ରତ ପ୍ରହରୀ ପାଲଟି

ଚାତକ ପରି ଚାହିଁଥାଏ

ହିନ୍ଦି ଚିନ ଭାଇ ଭାଇ ନାରା ଲଗାଇ

ପୁଣି ଆତ୍ମୀୟ ଭିତରେ ଲଢ଼ୁଥିବା

ଅବିବେକି ମଣିଷ ଜାତିକୁ

ନା ଗ୍ରୀଷ୍ମର ଉତାପ 

ନା ଝଡ ଶ୍ରାବଣର କୋପ

ସେତ ନିଶ୍ଚଳ ....ଅବିଚଳ.....ଅଚଳ.....

ଦୁଇ ଦେଶର ଇତିହାସକୁ ଜାବୁଡ଼ି ଧରି

କେବେ ଦୁର୍ଗ 

ତ କେବେ ଦୀର୍ଘ ସ୍ତୁପ ସାଜି

ଶୁଣିଛି

ବନ୍ଧୁକର ଗୁଳିରେ ଆଘାତ ପାଇଥିବା

ଜବାନର ବୁକୁଫଟା ଚିତ୍କାର

ଦେଖିଛି କଳଙ୍କିତ କରାଳ ରୂପ

ଅନେକ ଯୁଦ୍ଧର

ମୂର୍ତ୍ତିମନ୍ତ ହୋଇ

ମୂକ ପାଲଟି ଠିଆହୋଇ ପୁଣି ଦେଖିଛି

ଅନେକ ଯୁଦ୍ଧର କାରଣ

ଉଣେଇଶି ବାଷଠିର ବିଷ୍ଫୋରଣ

ଶହ ଶହ ଜବାନଙ୍କ ବୀରପଣ

ମାତୃଭୂମି ଲାଗି

ସହିଦଙ୍କ ଅଜସ୍ର ବଳିଦାନ

ଅନେକ ଠେଲା ପେଲା

ଢେଲା ପଥର ମାଢ

ତଥାପି ଅସ୍ପଷ୍ଟ ସମାଧାନ

ଶାନ୍ତିର ଅପେକ୍ଷାରେ ଆଜିବି

ଲଦାଖ ମଇଦାନ      ।।