କ୍ୟାଲେଣ୍ଡର
କ୍ୟାଲେଣ୍ଡର
ବର୍ଷ ପରେ ବର୍ଷ
ମାସ ପରେ ମାସ
ଦିନ ପରେ ଦିନ
ଆସୁଛି, ଯାଉଛି
ସଂସାର ଯେ ଗତିଶୀଳ
ସେଇ ସମୁଦ୍ରର ର ଢେଉ ପରି
କିନ୍ତୁ ତୁ ଯେ ଏ ସମୟର ମାଡ଼ ସହ
ମୁଁ ନାମକ ଅସ୍ତିତ୍ବ ସହ
ସବୁଠୁ ଅନ୍ତରଙ୍ଗ ବନ୍ଧୁ
ସବୁଠି ତୋର ଉପସ୍ଥିତି
ମୋ ଖୋଜେ ଅବା ନ ଖୋଜେ ।
କାହୁଁ କେତେ
ଦୁଃଖ, କଷ୍ଟ
ଖୁସି, ବାସୀ ଭରା ଦିନ, ରାତି
ତୋରି ପ୍ରତିଟି ପାଦେ ପାଦେ
ସମୟର ଗତିପଥ ସହ
ମୁଁ ଥାଏ ନଥାଏ
ତୁ ମୋ ସାଥେ, ସାଥେ ।
ପ୍ରତିଟି ଦିନ ତୋତେ ଦର୍ଶେ
ମନଭରି ଖୋଜେ
ଅନେକ ସ୍ମୃତି
ଗଢିବାରେ ଆଶାଭରା ଭବିଷ୍ୟତ
ଖାଲିଟା ରେ କଣ ଲତା ଟି ଆଗଇ
ମୁଁ ଯେ ନିର୍ମୁଳି ତୁ ମୋ ସାହା ।
ଶୈଶବ ରୁ ବାର୍ଦ୍ଧକ୍ୟ
ପ୍ରତିଟି ସୋପାନରେ
ଜୀବନର ଚଲାପଥରେ
ତୋର ନିରବ ଆଶୀର୍ବାଦ
ଅନେକ ଆସିଲେ, ଗଲେ
ତୁ କିନ୍ତୁ ସେ ନିର୍ଜୀବ ପଥର କାନ୍ଥରେ
ଭରୁ ପ୍ରତିଟି ଦିନ
ମୋ ମନେ ବଞ୍ଚିବାର
ଅନେକ ଆଶା, ଆକାଂକ୍ଷା
ସତରେ ଏ ମାନବ ସମାଜର
ତୁ ଏକ ଅଭିର୍ଣ୍ଣ ସାଥୀ ।