କୁସୁମା

ରୂପ ରାଇଜର ରାଜକୁମାରୀ ସେ

   ଲାବଣ୍ୟ ସୁନ୍ଦର ଦେହୀ

କି ସୁନ୍ଦର ଆହା  ଦିଶେ ଝଲମଲ

   ରଙ୍ଗ ରୂପ ଶୋଭା ବହି ।

ଯେତେ ଦେଖୁଥିଲେ ଛାଡ଼େ ନାହିଁ ମନ

   ଆଖି ରହିଯାଏ ଲାଖି

ସରଗପୂରୀରୁ ରୂପସୀ ଅପ୍ସରୀ

   ମର୍ତ୍ତ୍ୟେ ପଡ଼ିଛି କି ଖସି !

ନାନା ରଙ୍ଗ ଫୁଲେ ସଜାଇଛି ଗଭା

   ଅପରୂପା ସୁକୁମାରୀ

କୋମଳ ଶୀତଳ ହୃଦୟେ ତାହାର

  ଭାସେ ନୀଳ ଜଳ ତରୀ ।

ସବୁଜ ସୁନ୍ଦର ରୂପ ଅନୁପମ

  ଅଙ୍ଗରେ କଳା ଚାତୁରୀ

ଭରିଦିଏ ମନେ ଆନନ୍ଦ ଉଲ୍ଲାସ

  ଅବସାଦ ନିଏ ହରି ।

କରଇ ସ୍ୱ।ଗତ ଆସ ନବାଗତ

  ପ୍ରିୟ ମୋ ଦେଖଣାହାରୀ

ଆଲୋକ ଧ୍ୱନୀରେ ଅନନ୍ୟା କୁସୁମା

  ଚିତ୍ତବିନୋଦନ ସ୍ଥଳୀ ।