ଲାଇବ୍ରେରୀ
ପ୍ରୋଫାଇଲ୍
କୁନି ପରୀ ଆମ କୁନି ପରୀ
କୁନି ପରୀ ଆମ କୁନି ପରୀ
1 min
403
କୁନି ପରୀ ଆମ କୁନି ପରୀ
କହୁଥାଏ କଥା ମହୁ ଭଳି ମିଠା
ସୁନା ଝିଅ ସିଏ ହସକୁରୀ
କୁନି ପରୀ ଆମ କୁନି ପରୀ
କାହା ସଙ୍ଗେ କେବେ କରେ ନାହିଁ କଳି
ଆଲୋକର ଆଶା ଫୁଲଝରି
କୁନି ପରୀ ଆମ କୁନି ପରୀ
ଡିଆଁ ଡେଇଁ ଖେଳେ ସାଙ୍ଗ ସାଥୀ ମେଳେ
ଖୁସି ବାସି ନାଚେ ହାତ ଧରି
କୁନି ପରୀ ଆମ କୁନି ପରୀ
ଲୁହ ଦେଖିଦେଲେ କୋହ ଉଠେ ଭଲା
ସାହା ଲାଗି ତା'ର ବାହାଦୁରୀ
କୁନି ପରୀ ଆମ କୁନି ପରୀ
ଦେହ ଦୁଃଖେ କେହି ପଡ଼ିଯାଇଥିଲେ
ସେବା ପଣେ ଥାଏ ମନ ଭରି
କୁନି ପରୀ ଆମ କୁନି ପରୀ
ବିଦ୍ୟା ବୁଦ୍ଧି ବଳେ କେତେ କଉଶଳେ
ଦୁଃଖ ଦୈନ୍ୟ ଯେତେ ଦେବ ସାରି
କୁନି ପରୀ ଆମ କୁନି ପରୀ
ବଡ଼ ହେଲେ ଆଉ ଭଲ କାମ କରି
ଦେଶ ଦଶ ପାଇଁ ହେବ ଶିରୀ
