କୁହ ପ୍ରଭୁ ଜଗନ୍ନାଥ

 

ତୋ ରଥ ଯାତରା ଆସୁଅଛି ପରା

   ତିଆରି ଚାଲିଛି ରଥ

 ନନ୍ଦିଘୋଷ ତୋର ଟାଣିକି ପାରିବି

     କୁହ ପ୍ରଭୁ ଜଗନ୍ନାଥ l

ଚାଲେ ସଙ୍ଗରୋଧ ଘରେ ମୁଁ ଆବଦ୍ଧ 

    ଅଦୃଶ୍ୟ ଭୁତାଣୁ ଭୀତି

ଜୀବନ ଯନ୍ତ୍ରଣା କରେ ବାଟ ବାଣା

    ଯିବି ମୁଁ ପୁ୍ରୀ କିମିତି l

ବଡ ଦାଣ୍ତ ଧୁଳି ମୁଣ୍ତେ ମୋର ବୋଳି

   ଦେଖିବିକି ତୋ ଶ୍ରୀମୁଖ

କୃଷ୍ଣଭକ୍ତ ସଙ୍ଗେ ହରିନାମ ରଙ୍ଗେ

    ପାଇବିକି ସେହି ସୁଖ l

ଭାଗ୍ୟ ତ ମୋହର ଭଗାରି ସାଜିଛି

    କି କରିବି ହୃଷିକେଶ

ଦେଖିବିକି ସତେ ଏ ବରଷେ ରଥେ

   ମାଗେ ତୋହରି ଆଶିଷ l